The news is by your side.

Advertisement

کرونا وائرس: 24 گھنٹوں میں 600 سے زائد نئے کیسز، 4 مزید اموات

اسلام آباد: نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران ملک میں کرونا وائرس کے 644 نئے کیسز سامنے آئے جبکہ 4 مریض جاں بحق ہوئے۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 4 مریض جاں بحق ہوئے جس کے بعد ملک میں کرونا وائرس سے اموات کی تعداد 6 ہزار 517 ہوگئی۔

نیشنل کمانڈ سینٹر کا کہنا ہے کہ 24 گھنٹوں کے دوران کرونا وائرس کے 644 نئے کیسز سامنے آئے، ملک میں مجموعی کرونا کیسز کی تعداد 3 لاکھ 15 ہزار 260 ہوچکی ہے۔

ملک میں کرونا وائرس کے فعال کیسز کی تعداد 8 ہزار 907 ہے جبکہ کرونا وائرس کے 2 لاکھ 99 ہزار 836 مریض صحت یاب ہوچکے ہیں۔

این سی او سی کے مطابق گزشتہ 24 گھنٹوں کے دوران کرونا وائرس کے 33 ہزار 725 ٹیسٹ کیے گئے۔ اب تک ملک میں کیے جانے والے مجموعی ٹیسٹوں کی تعداد 36 لاکھ 44 ہزار 762 ہوچکی ہے۔

ملک بھر کے 735 اسپتالوں میں کرونا وائرس کے 761 مریض زیر علاج ہیں جن میں سے 88 مریض وینٹی لیٹر پر ہیں، ملک میں کرونا وائرس سے صحت یابی کی شرح 98 فیصد جبکہ اموات کی شرح صرف 2 فیصد ہے۔

نیشنل کمانڈ سینٹر کا کہنا ہے کہ سندھ میں اب تک 1 لاکھ 38 ہزار 341 کرونا کیسزرپورٹ اور 2 ہزار 521 اموات ہوئیں، پنجاب میں 99 ہزار 941 کیسز اور 2 ہزار 240 اموات اور خیبر پختونخواہ میں 38 ہزار 76 کیسز اور 1 ہزار 262 اموات ہوئیں۔

بلوچستان میں 15 ہزار 399 کیسز اور 146 اموات، گلگت بلتستان میں 3 ہزار 825 کیسز اور 89 اموات ہوئیں۔ وفاقی دارالحکومت اسلام آباد میں 16 ہزار 789 کیسز اور 183 اموات جبکہ آزاد کشمیر میں 2 ہزار 862 مصدقہ کیسز اور 76 اموات ہوئیں۔

Comments

یہ بھی پڑھیں