The news is by your side.

Advertisement

کرونا وائرس کے مزید 57 مریض جاں بحق، 1 ہزار سے زائد نئے کیسز

اسلام آباد: نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران ملک میں کرونا وائرس کے 1 ہزار سے زائد نئے کیسز سامنے آئے، گزشتہ 24 گھنٹوں کے دوران کرونا وائرس کے مزید 57 مریض جاں بحق ہوگئے۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 1 ہزار 502 نئے کیسز سامنے آئے، ملک میں مجموعی کرونا کیسز کی تعداد 5 لاکھ 59 ہزار 93 ہوچکی ہے۔

ملک میں کرونا وائرس کے فعال کیسز کی تعداد 30 ہزار 225 ہوگئی، 24 گھنٹے میں کرونا وائرس کے مثبت ٹیسٹ کی شرح 4.01 فیصد ہوگئی۔

این سی او سی کے مطابق گزشتہ 24 گھنٹوں کے دوران کرونا وائرس کے مزید 57 مریض جاں بحق ہوگئے جس کے بعد ملک میں کرونا وائرس سے اموات کی تعداد 12 ہزار 185 ہوگئی۔

نیشنل کمانڈ سینٹر کا کہنا ہے کہ کرونا وائرس سے صحت یاب مریضوں کی مجموعی تعداد 5 لاکھ 16 ہزار 683 ہوگئی ہے۔

این سی او سی کے مطابق گزشتہ 24 گھنٹوں کے دوران کرونا وائرس کے 37 ہزار 452 ٹیسٹ کیے گئے، اب تک ملک میں 83 لاکھ 25 ہزار 543 کووڈ 19 ٹیسٹ ہوچکے ہیں۔

ملک بھر کے 735 اسپتالوں میں کرونا وائرس کے 1 ہزار 760 کیسز تشویشناک حالت میں ہیں۔

Comments

یہ بھی پڑھیں