The news is by your side.

Advertisement

کرونا وائرس: نئے کیسز کی یومیہ تعداد ایک بار پھر ہزار سے تجاوز

اسلام آباد: پاکستان میں کرونا وائرس کے نئے کیسز کی یومیہ تعداد ایک بار پھر 1 ہزار سے تجاوز کر گئی، ملک میں اب تک 37 لاکھ افراد ویکسی نیشن کروا چکے ہیں۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 27 مریض انتقال کر گئے جس کے بعد کرونا وائرس سے مجموعی اموات کی تعداد 22 ہزار 582 ہوگئی۔

این سی او سی کا کہنا ہے کہ گزشتہ 24 گھنٹوں کے دوران کرونا وائرس 1 ہزار 980 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 9 لاکھ 73 ہزار 284 ہوچکی ہے۔

ملک میں کرونا وائرس سے کے فعال کیسز کی تعداد 37 ہزار 499 ہے جبکہ صحت یاب مریضوں کی مجموعی تعداد 9 لاکھ 13 ہزار 203 ہوچکی ہے۔

این سی او سی کے مطابق گزشتہ 24 گھنٹوں کے دوران کرونا وائرس کے 48 ہزار 382 ٹیسٹ کیے گئے، اب تک ملک میں 1 کروڑ 50 لاکھ 56 ہزار 787 کووڈ 19 ٹیسٹ ہوچکے ہیں۔

این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 4.09 فیصد رہی، ملک بھر کے 631 اسپتالوں میں کرونا وائرس کے 2 ہزار 119 کیسز تشویشناک حالت میں ہیں۔

ویکسی نیشن کی صورتحال

ملک میں اب تک 1 کروڑ 53 لاکھ 20 ہزار 363 افراد کو ویکسین کی ایک ڈوز جبکہ 37 لاکھ 46 ہزار 989 افراد کو ویکسین کی دونوں ڈوزز لگائی جا چکی ہیں۔

Comments

یہ بھی پڑھیں