The news is by your side.

Advertisement

کرونا وائرس: گزشتہ 24 گھنٹوں کے دوران 1700 سے زائد نئے کیسز رپورٹ

اسلام آباد: نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران ملک میں کرونا وائرس کے 17 سو سے زائد نئے کیسز سامنے آئے جبکہ 82 مریض جاں بحق ہوئے۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 82 مریض جاں بحق ہوئے جس کے بعد ملک میں کرونا وائرس سے اموات کی تعداد 9 ہزار 474 ہوگئی۔

نیشنل کمانڈ سینٹر کا کہنا ہے کہ 24 گھنٹوں کے دوران کرونا وائرس کے 17 سو 4 نئے کیسز سامنے آئے، ملک میں مجموعی کرونا کیسز کی تعداد 4 لاکھ 60 ہزار 672 ہوچکی ہے۔

ملک میں کرونا وائرس کے فعال کیسز کی تعداد 40 ہزار 261 ہے جبکہ کرونا وائرس کے 4 لاکھ 10 ہزار 937 مریض صحت یاب ہوچکے ہیں۔

این سی او سی کا کہنا ہے کہ سندھ میں 2 لاکھ 5 ہزار 484 کرونا وائرس کیسز، پنجاب میں 1 لاکھ 32 ہزار 526، خیبر پختونخواہ میں 55 ہزار 450، بلوچستان میں 17 ہزار 950، اسلام آباد میں 36 ہزار 416، گلگت بلتستان میں 4 ہزار 831 اور آزاد کشمیر میں 8 ہزار 15 مصدقہ کیسز رپورٹ ہو چکے ہیں۔

سندھ میں کرونا وائرس سے ہونے والی اموات کی تعداد 3 ہزار 352، پنجاب میں 3 ہزار 688، پختونخواہ میں 15 سو 53، اسلام آباد میں 393، بلوچستان میں 179، گلگت بلتستان میں 99 اور آزاد کشمیر میں 210 ہوچکی ہے۔

این سی او سی کے مطابق گزشتہ 24 گھنٹے میں ملک میں 34 ہزار 594 کرونا وائرس ٹیسٹ کیے گئے ہیں جبکہ مجموعی ٹیسٹوں کی تعداد 63 لاکھ 70 ہزار 704 ہوچکی ہے۔

ملک کے 615 اسپتالوں میں کرونا وائرس کے 2 ہزار 917 مریض زیر علاج ہیں جن میں سے 322 مریض وینٹی لیٹر پر زیر علاج ہیں۔

این سی او سی کا کہنا ہے کہ ملتان میں کرونا کے لیے مختص 52 فیصد وینٹی لیٹرز زیر استعمال ہیں، اسلام آباد میں 39، لاہور میں 31 اور پشاور میں 27 فیصد وینٹی لیٹرز زیر استعمال ہیں۔

ملتان میں کرونا کے لیے مختص 39 فیصد، راولپنڈی میں 41فیصد، ایبٹ آباد میں 37 فیصد اور پشاور میں کرونا کے لیے مختص 57 فیصد آکسیجن بیڈز زیر استعمال ہیں۔

Comments

یہ بھی پڑھیں