لاہور: صوبہ پنجاب میں گزشتہ 24 گھنٹوں کے دوران کرونا وائرس کے 483 نئے کیسز رپورٹ ہوئے جبکہ مزید 40 مریض دم توڑ گئے۔
تفصیلات کے مطابق صوبہ پنجاب میں گزشتہ 24 گھنٹوں کے دوران کرونا وائرس کے 483 نئے کیسز رپورٹ ہوئے، صوبے میں کرونا وائرس کے مجموعی کیسز کی تعداد 3 لاکھ 24 ہزار 589 ہوگئی۔
ترجمان پرائمری اینڈ سیکنڈری ہیلتھ کیئر کا کہنا ہے کہ صوبائی دارالحکومت لاہور میں کرونا وائرس کے 196 کیسز رپورٹ ہوئے۔
فیصل آباد میں 107، ملتان میں 36، سرگودھا میں 21، وہاڑی میں 20، بہاولپور میں 18، گوجرانوالہ میں 13، رحیم یار خان میں 9، خانیوال اور قصور میں 8، 8، لودھراں میں 7، راولپنڈی میں 6، مظفر گڑھ اور شیخوپورہ میں 5، 5، چنیوٹ اور بھکر میں 4، 4 اور ٹوبہ ٹیک سنگھ میں 3 کیسز سامنے آئے۔
اسی طرح لیہ، میانوالی، بہاولنگر اور ساہیوال میں 2، 2، جبکہ چکوال، سیالکوٹ، ڈیرہ غازی خان، جھنگ اور اوکاڑہ میں 1، 1 کیس رپورٹ ہوا۔
ترجمان کا کہنا ہے کہ صوبے میں کرونا وائرس سے مزید 40 افراد جاں بحق ہوگئے جن میں سے 16 افراد کا تعلق لاہور سے تھا، پنجاب میں کرونا وائرس سے اموات کی مجموعی تعداد 9 ہزار 322 ہوچکی ہے۔
ترجمان پرائمری اینڈ سیکنڈری ہیلتھ کیئر کے مطابق گزشتہ 24 گھنٹوں کے دوران صوبے میں 12 ہزار 530 ٹیسٹ کیے گئے، اب تک کل 48 لاکھ 13 ہزار 940 ٹیسٹ کیے جا چکے ہیں۔
