The news is by your side.

Advertisement

پنجاب میں کرونا وائرس کے 600 سے زائد نئے کیسز رپورٹ

لاہور: صوبہ پنجاب میں کرونا وائرس کے ساڑھے 600 سے زائد نئے کیسز رپورٹ ہوگئے، گزشتہ 24 گھنٹوں کے دوران کوویڈ 19 کے مزید 9 مریض جاں بحق ہوئے۔

تفصیلات کے مطابق ترجمان پرائمری اینڈ سیکنڈری ہیلتھ کیئر پنجاب کا کہنا ہے کہ صوبے میں کرونا وائرس کے 684 نئے کیسز سامنے رپورٹ ہوئے ہیں۔

رپورٹ شدہ کیسز میں سے 279 کیس لاہور اور 130 راولپنڈی سے سامنے آئے ہیں۔ صوبے میں کرونا وائرس کیسز کی مجموعی تعداد 1 لاکھ 9 ہزار 993 ہوگئی۔

ترجمان کا کہنا ہے کہ پنجاب میں گزشتہ 24 گھنٹوں کے دوران کرونا وائرس سے مزید 9 مریض جاں بحق ہوگئے جس کے بعد صوبے میں کوویڈ 19 سے اموات کی مجموعی تعداد 2 ہزار 471 ہوگئی۔

خیال رہے کہ پنجاب سمیت ملک بھر میں کرونا وائرس کی دوسری لہر کے پھیلاؤ کے بعد کوویڈ کیسز میں اضافہ دیکھنے میں آرہا ہے، ملک میں کرونا کے مصدقہ کیسز کی تعداد 3 لاکھ 56 ہزار 904 ہوچکی ہے۔

ملک میں گزشتہ 24 گھنٹوں کے دوران کرونا وائرس انفیکشن کی وجہ سے مزید 32 افراد جاں بحق ہوگئے جس کے بعد ملک میں مجموعی اموات کی تعداد 7 ہزار 141 ہوگئی۔

اس وقت اسپتالوں میں زیر علاج اور گھروں میں قرنطینہ فعال کوویڈ کیسز کی تعداد 26 ہزار 538 ہے جبکہ صحت یاب ہونے والے مریضوں کی تعداد 3 لاکھ 23 ہزار 225 ہے۔

Comments

یہ بھی پڑھیں