The news is by your side.

Advertisement

کرونا وائرس: پنجاب میں گزشتہ 24 گھنٹوں میں صرف ایک موت

لاہور: صوبہ پنجاب میں گزشتہ 24 گھنٹوں کے دوران کرونا وائرس کے 42 نئے کیسز رپورٹ ہوئے جبکہ گزشتہ روز کرونا وائرس سے مزید 1 ہلاکت ہوئی۔

تفصیلات کے مطابق صوبہ پنجاب میں کرونا وائرس کے 42 نئے کیسز سامنے آگئے جس کے بعد صوبے میں کرونا مریضوں کی تعداد 96 ہزار 741 ہوگئی۔

ترجمان پرائمری اینڈ سیکنڈری ہیلتھ کیئر کا کہنا ہے کہ لاہور میں 11، راولپنڈی میں 8 اور فیصل آباد میں 6 کیسز رپورٹ ہوئے۔

اسی طرح ڈیرہ غازی خان میں 3، جہلم، سیالکوٹ، لیہ اور بہاولپور میں 2، 2 جبکہ گجرات، چنیوٹ، جھنگ، اوکاڑہ، بہاولنگر اور وہاڑی میں 1، 1 کیس سامنے آیا۔

ترجمان کے مطابق کرونا وائرس سے صوبے میں مزید 1 موت ہوئی جس کے بعد مجموعی اموات کی تعداد 2 ہزار 196 ہوگئی۔

ترجمان کا کہنا ہے کہ اب تک پنجاب میں 9 لاکھ 43 ہزار 160 ٹیسٹ کیے جا چکے ہیں، کرونا وائرس سے صحتیاب افراد کی تعداد 92 ہزار 471 ہو چکی ہے۔

ترجمان پرائمری اینڈ سکینڈری ہیلتھ کیئر نے مزید کہا کہ عوام سے گزارش ہے کہ حفاظتی تدابیر اختیار کر کے خود کو محفوظ بنائیں اور کرونا وائرس کی علامات ظاہر ہونے پر فوراً 1033 پر رابطہ کریں۔

Comments

یہ بھی پڑھیں