The news is by your side.

Advertisement

دنیا بھر میں کرونا وائرس سے متاثرہ افراد کی تعدادایک لاکھ سے تجاوز کرگئی

بیجنگ : دنیا بھر میں کرونا وائرس سےمتاثرہ افرادکی تعدادایک لاکھ سےتجاوزکرگئی جبکہ اموات کی تعداد بھی3412 ہوگئی ہے اور 57 ہزار مریض صحت یاب ہوچکے ہیں۔

تفصیلات کے مطابق دنیا بھر میں کرونا وائرس بے قابو ہوگیا ہے ، تصدیق شدہ کیسزکی تعداد 1 لاکھ 660 ہوگئی ہے جبکہ اموات کی تعداد بھی 3412  تک جا پہنچی ہے اور مجموعی طور پر 56 ہزارمریض صحتیاب ہوچکے ہیں۔

چین میں 3042، اٹلی میں 148 اور ایران میں 124 ہلاکتیں ہوئیں جبکہ نیدرلینڈز میں پہلی ہلاکت سامنے آگئی ہے۔

برطانیہ میں بھی دو افراد دم توڑ چکے ہیں جبکہ اٹلی کےدارالحکومت روم میں کروناوائرس کا پہلاکیس سامنے آیا ہے، جہاں پینتالیس دن کی بچی میں کروناوائرس کی تصدیق ہوئی ہے۔

فرانس کا رکن اسمبلی بھی وائرس کا شکار ہوگیا جبکہ بیلجیئم میں مزید انسٹھ شہریوں میں کروناوائرس کی تصدیق ہوئی ، جس کے بعد وائرس سے متاثرہ افراد کی تعداد 109 ہوگئی ، مریضوں کی اکثریت نے اٹلی کا سفرکیا تھا۔

امریکا میں اموات کی تعداد 17 ہوگئی ہے جبکہ 300 افراد متاثر ہیں ، امریکی صدرٹرمپ کا کہنا ہے کہ عوام تحمل سےکام لیں،ہم ہر صورتحال کےلیےتیارہیں۔

اسی طرح کیلی فورنیا کےکروز شپ میں 21 افراد میں وائرس کی تصدیق ہوئی، جنوبی کوریا میں بھی کرونا سے 44 افراد ہلاک جبکہ 7ہزار متاثر ہیں۔

بھارت میں کروناوائرس 31 ، متحدہ عرب امارات میں 27، افغانستان میں 4 کیسز رپورٹ سامنے آئے، عالمی ادارہ صحت کا کہنا تھا کہ تمام ممالک وائرس روکنے کواولین ترجیح دیں۔

fb-share-icon0
Tweet 20

Comments

comments

یہ بھی پڑھیں