The news is by your side.

Advertisement

کورونا وائرس کے کیسز، کراچی کے 2 علاقوں کو سیل کردیا گیا

کراچی: پابندیوں کےباوجودپاکستان میں کوروناوائرس کےمریضوں کی تعداد بڑھتی جارہی ہے، 24 کیسز سامنےآنے پر کراچی کےدو علاقوں کو سیل کردیا گیا ہے۔

تفصیلات کے مطابق پاکستان میں کورونا وائرس تیزی سےپھیل رہاہے، کوروناوائرس کےکیسزسامنےآنے پر ڈپٹی کمشنرملیرنےگلستان سوسائٹی اور چراغ کالونی میں مکمل لاک ڈاؤن کردیا ہے۔

اعلامیے میں کہا گیا کہ ملیرگلستان سوسائٹی اورچراغ کالونی میں 24 کورونا کیسز رپورٹ ہوئےہیں،محکمہ صحت کی رپورٹ کےبعددونوں علاقےسیل کرنےکےاحکامات جاری کئے ، رپورٹ کےمطابق گلستان سو سائٹی میں ایک ہی خاندان کے 9 افراد میں کوروناوائرس پایا گیا تھا۔

ڈپٹی کمشنرملیرکی سالڈ ویسٹ مینجمنٹ کوعلاقے میں اسپرےکرانے کی ہدایت کردی ہے۔

دوسری جانب کراچی میں بچوں کےسب سےبڑےاسپتال کے دوڈاکٹروں میں بھی کوروناوائرس کی تصدیق ہوئی ہے، وزیراطلاعات سندھ ناصرحسین شاہ کا کہنا تھا لاک ڈاون پر مکمل عمل ہوتواچھے نتائج آسکتےہیں۔

خیال رہے پاکستان میں کرونا کیسز کی تعداد 4 ہزار 788 ہوگئی ہے، پنجاب میں سب سے زیادہ 2 ہزار 336 اور سندھ میں 1214، خیبر پختونخوا میں 656، بلوچستان میں 220 کرونا وائرس کے کیسز رپورٹ ہوئے۔

گزشتہ چوبیس گھنٹوں کے دوران کرونا میں مبتلا مزید 5 افراد دم توڑ گئے جس کے بعد مرنے والوں کی تعداد 71 تک پہنچ گئی ہے جبکہ کرونا وائرس سے صحت یاب ہونے والے مریضوں کی تعداد 762 ہوگئی۔

Comments

یہ بھی پڑھیں