The news is by your side.

Advertisement

نشتر اسپتال ملتان کے مزید 3 ڈاکٹرز میں کرونا وائرس کی تصدیق

نشتر اسپتال کے دیگر طبی عملے کے 5 افراد کا بھی کرونا ٹیسٹ مثبت آ گیا، متاثرہ ڈاکٹرز کی تعداد 26 ہو گئی

ملتان: نئے اور مہلک کرونا وائرس کے خلاف فرنٹ لائن پر نبردآزما سولجرز کا خود بھی وائرس کا شکار ہونے کا سلسلہ جاری ہے، نشتر اسپتال کے مزید تین ڈاکٹرز میں وائرس کی تصدیق ہو گئی ہے۔

اے آر وائی نیوز کے مطابق پاکستان میڈیکل ایسوسی ایشن نے تصدیق کی ہے کہ نشتر اسپتال ملتان کے مزید 3 ڈاکٹرز کو کرونا وائرس لاحق ہو گیا ہے، جس کے بعد وائرس سے متاثرہ ڈاکٹرز کی تعداد 26 ہو گئی ہے۔

پی ایم اے کا کہنا ہے کہ کو وِڈ نائنٹین سے متاثرہ ڈاکٹرز کو آئیسولیشن وارڈ میں منتقل کر دیا گیا ہے۔ نشتر اسپتال کے دیگر طبی عملے کے 5 افراد کا بھی کرونا ٹیسٹ مثبت آیا ہے، جنھیں آئسولیشن وارڈ منتقل کیا گیا۔

کراچی میں 6 ڈاکٹرز اور 7 پیرا میڈیکس بھی کرونا سے متاثر

نشتر اسپتال انتظامیہ کا کہنا ہے کہ متاثرہ ڈاکٹروں اور طبی عملے کی حالت تسلی بخش ہے۔ دوسری طرف پاکستان میڈیکل ایسوسی ایشن نے اسپتال انتظامیہ سے کرونا ایمرجنسی نافذ کرنے کا مطالبہ کر دیا ہے۔

پاکستان میڈیکل ایسوسی ایشن کے مطابق 24 گھنٹوں کے دوران نشتر اسپتال کے مجموعی طور پر 10 ڈاکٹرز میں کرونا وائرس سامنے آیا ہے۔ تمام ڈاکٹرز کی آئسولیشن وارڈز میں کیئر جاری ہے، طبی عملے کی حالت تسلی بخش قرار دی گئی ہے۔

Comments

یہ بھی پڑھیں