The news is by your side.

Advertisement

کرونا کا پھیلاؤ روکنے کے لیے پولی کلینک کے مختلف شعبے بند کرنے کا فیصلہ

اسلام آباد: وفاقی دارالحکومت اسلام آباد میں ڈاکٹر میں کرونا وائرس کی تصدیق کے بعد پولی کلینک اسپتال کے مختلف شعبے بند کرنے کا فیصلہ کرلیا گیا۔

اے آر وائی نیوز کی رپورٹ کے مطابق پولی کلینک اسپتال ذرائع کا کہنا ہے کہ کرونا وائرس کا پھیلاؤ روکنے کے لیے شعبے بند کرنے کا فیصلہ کیا گیا ہے، پولی کلینک کی شام کی او پی ڈی سروس بند کردی گئی ہے۔

ذرائع پولی کلینک اسپتال کا کہنا ہے کہ زیر علاج بیشتر مریضوں کو ڈسچارج کرنے کا فیصلہ کیا ہے، شدید نوعیت کے بیمار مریضوں کو زیر علاج رکھا جائے گا۔

پولی کلینک میں مزید مریضوں کے داخلے پر پابندی عائد کردی گئی ہے، شعبہ ایمرجنسی میں شدید نوعیت کے مریضوں کو دیکھا جائے گا۔

مزید پڑھیں: اسلام آباد، پولی کلینک کے ڈاکٹر میں کرونا وائرس کی تصدیق

ذرائع کا کہنا ہے کہ پولی کلینک شعبہ میڈیسن کے سربراہ گھر میں قرنطینہ میں چلے گئے ہیں، متاثرہ ڈاکٹر پولی کلینک کے شعبہ میڈیسن میں ڈیوٹی کررہے تھے۔

واضح رہے کہ گزشتہ روز اسلام آباد کے پولی کلینک اسپتال میں گلگت کے ایک ڈاکٹر میں کرونا وائرس کی تصدیق ہوئی تھی جس کے بعد ہاسٹل میں موجود تمام ڈاکٹرز کو قرنطینہ منتقل کردیا گیا تھا۔

یاد رہے کہ پاکستان میں کرونا وائرس کے مریضوں کی تعداد ایک ہزار 408 ہوگئی ہے، پنجاب میں 490، سندھ 457، کے پی میں 180 کرونا کے مریض ہیں۔ بلوچستان میں 133، جی بی میں 107، اسلام آباد 39 اور آزاد کشمیر میں 2 مریض ہیں۔

ملک میں کرونا وائرس کے باعث اموات کی تعداد 11 ہوگئی ہے اور 7 مریضوں کی حالت تشویش ناک ہے جبکہ کرونا وائرس کے صحت یاب مریضوں کی تعداد 25 ہے۔

fb-share-icon0
Tweet 20

Comments

comments

یہ بھی پڑھیں