The news is by your side.

Advertisement

کرونا وائرس: امریکا میں کل یوم دعا منایا جائے گا

واشنگٹن: امریکی صدر ڈونلڈ ٹرمپ نے کرونا وائرس کے سبب ملک میں ایمرجنسی نافذ کرتے ہوئے کل یوم دعا منانے کا اعلان کر دیا۔

تفصیلات کے مطابق امریکی ڈونلڈ ٹرمپ نے اپنے پیغام میں کہا 15 مارچ کو ملک بھر میں یوم دعا منایا جائے گا۔ ٹویٹر پر اپنے پیغام میں ڈونلڈ ٹرمپ کا کہنا تھا ایسے وقت میں تحفظ، مضبوطی کے لیے خدا کی جانب رجوع کرتے ہیں۔ انہوں نے کہا کہ اپنا رخ دعاؤں کی طرف موڑ دیں، ہم ضرور کامیاب ہوں گے۔

اس سے قبل امریکی صدر ڈونلڈ ٹرمپ نے کرونا وائرس کے باعث ملک میں ایمرجنسی لگانے اور وائرس کی روک تھام کے لیے پچاس ارب ڈالر کے فنڈز دینے کا اعلان کیا تھا۔صدرٹرمپ کا کہنا تھا کہ علامات نہیں لیکن وہ بھی کرونا وائرس کا ٹیسٹ کرائیں گے۔

کرونا وائرس، امریکا میں ایمرجنسی نافذ

ڈونلڈ ٹرمپ کا کہنا تھا کہ یورپ سے امریکا آنے والوں کے داخلے پر پابندی عائد کردی گئی ہے، امریکی شہری اسکریننگ کے بعد ہی ملک میں واپس آسکتے ہیں۔

واضح رہے کہ رواں ماہ 11 مارچ کو عالمی ادارہ صحت نے کرونا وائرس کو عالمگیر وبا قرار دیا تھا، یہ وائرس اب تک 114 ممالک میں پھیل چکا ہے اور اب تک ایک لاکھ سے زائد افراد متاثر جبکہ 5 ہزار سے زائد ہلاک ہوچکے ہیں ۔

fb-share-icon0
Tweet 20

Comments

comments

یہ بھی پڑھیں