تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کرونا وائرس: زرعی پیداوار بھی متاثر ہونے کا خدشہ

اسلام آباد: کرونا وائرس نے زرعی شعبے کے لیے بھی خطرے کی گھنٹی بجا دی، وبا کی وجہ سے فوڈ چین اور زرعی پیداوار متاثر ہونے کا خدشہ ہے۔

تفصیلات کے مطابق نیشنل پروڈکٹوٹی آرگنائزیشن (این پی او) پاکستان نے اپنی رپورٹ میں کہا ہے کہ کرونا وائرس کی وجہ سے فوڈ چین متاثر ہورہی ہے اور اس سے اجناس کے دام گرنے کا خدشہ ہے۔

رپورٹ میں کہا گیا کہ فصل کی کم قیمت ملنے سے کسان کی بدحالی میں مزید اضافہ ہوگا، آئندہ زرعی پیداوار بھی متاثر ہونے کا خطرہ ہے۔

این پی او کا کہنا ہے کہ کم پیداوار سے خوراک کی قیمتیں آسمان کو پہنچنے کا خدشہ ہے، حکومت کسانوں کے لیے پیکج کا اعلان کرے۔

دوسری جانب ملک میں ٹڈی دل کے حملے بھی جاری ہیں جس سے فصلوں کو بے تحاشہ نقصان پہنچا ہے۔

ڈپٹی چیئرمین سینیٹ نے اپنے ایک بیان میں کہا تھا کہ ٹڈی دل نے اربوں روپے مالیت کی فصلیں تباہ کردی ہیں، ٹڈی دل حملے پر قابو پانے کے لیے مناسب حکمت عملی کا فقدان ہے۔

Comments

- Advertisement -