تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

پشاور سینٹرل جیل کے قیدی بھی کرونا وائرس کا شکار

پشاور: صوبہ خیبر پختونخواہ کے دارالحکومت پشاور کی سینٹرل جیل میں 11 قیدی کرونا وائرس کا شکار ہوگئے، کرونا کا شکار تمام قیدیوں کو آئسولیٹ کر دیا گیا ہے۔

تفصیلات کے مطابق پشاور سینٹرل جیل انتظامیہ کا کہنا ہے کہ جیل میں 11 قیدی بھی کرونا وائرس میں مبتلا ہوچکے ہیں۔

انتظامیہ کے مطابق سینٹرل جیل کا ڈسپنسر فضل کریم 10 روز قبل کرونا وائرس سے انتقال کر گیا تھا جس کے بعد سینٹرل جیل میں موجود قیدیوں کے ٹیسٹ کروائے گئے۔

انتظامیہ کا کہنا ہے کہ پازیٹو آنے والے قیدیوں میں وائرس کی بظاہر کوئی علامات نہیں، کرونا کا شکار تمام قیدیوں کو آئسولیٹ کر دیا گیا ہے۔

خیال رہے کہ ملک بھر کی مختلف جیلوں میں قیدیوں کو بھی کرونا وائرس اپنا نشانہ بنا رہا ہے، چند روز قبل صوبہ سندھ میں لاڑکانہ سینٹرل جیل میں کرونا وائرس کیسز سامنے آنے پر قیدیوں نے جیل انتظامیہ کے 4 اہلکاروں کو یرغمال بنا لیا تھا۔

قیدیوں کا کہنا تھا کہ کرونا وائرس جیل میں پھیل گیا ہے لہٰذا قیدیوں کو بیرکوں میں بند نہ کیا جائے، بیرکوں میں بند کرنے سے سماجی دوری برقرار نہیں رہ سکتی۔

جیل حکام کا کہنا ہے کہ 77 قیدیوں اور جیل ملازمین کے کرونا وائرس ٹیسٹ کروائے گئے تھے، ایک جیلر سمیت 8 قیدیوں کا کرونا ٹیسٹ مثبت آیا جنہیں قرنطینہ کر دیا گیا۔

دوسری جانب کراچی سینٹرل جیل میں 200 سے زائد قیدیوں میں کرونا وائرس کی تصدیق ہوئی جن میں سے 90 قیدی مرض کو شکست دینے میں کامیاب رہے۔

Comments

- Advertisement -