تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

اسلام آباد میں چینی شہریوں کے لیے کرونا آئسولیشن مراکز قائم

اسلام آباد: وفاقی دارالحکومت میں چینی شہریوں کے لیے کرونا آئسولیشن مراکز قائم کر دیے گئے۔

اے آر وائی نیوز کے مطابق ذرایع نے کہا ہے کہ کرونا وائرس کے سلسلے میں حفاظتی اقدامات کے تحت اسلام آباد میں چینی شہریوں کے لیے کرونا آئسولیشن مراکز قائم کیے گئے ہیں۔

ذرایع نے بتایا کہ چینی کمپنی نے اپنے ملازمین کے لیے 2 آئسولیشن مراکز قائم کیے ہیں، این آئی ایچ کی ٹیم نے چینی کمپنی کے کرونا آئسولیشن مرکز کا دورہ کیا، قومی ادارہ صحت نے چینی کمپنی کے آئسولیشن مراکز کو کلیئرنس بھی دے دی ہے۔

ذرایع کے مطابق چینی کمپنی کے 300 ملازمین کی رواں ماہ چین سے واپسی شروع ہوگی، ان ملازمین کو 14 دن آئسولیشن مراکز میں رکھا جائے گا، چینی کمپنی 300 ملازمین کو مرحلہ وار پاکستان واپس لائے گی، چینی کمپنی کے یہ ملازمین سالانہ تعطیلات کے لیے چین گئے تھے۔

کرونا وائرس دنیا کے لیے بڑا خطرہ بن گیا، اموات 2619 ہو گئیں

چینی کمپنی کے آئسولیشن مراکز 20 بستروں پر مشتمل ہیں، ان مراکز میں چینی شہریوں کی 2 ہفتے مانیٹرنگ ہوگی، 20 ملازمین کی کرونا کلیئرنگ کے بعد چینی کمپنی مزید ملازمین بلوائے گی۔

خیال رہے کہ نہایت مہلک کرونا وائرس دنیا کے لیے بڑا خطرہ بن گیا ہے، چین، جاپان، تائیوان، ایران، اٹلی، فلپائن سمیت متعدد ملکوں میں وائرس سے اموات کی تعداد 2619 ہو گئی ہے۔

قاتل کرونا وائرس نے ایران میں بھی 7 افراد کی جان لے لی ہے، جب کہ 28 سے زائد لوگ متاثر ہوئے ہیں، جس کے بعد تہران سمیت کئی شہروں میں جامعات ایک ہفتے کے لیے بند کر دیے گئے، سینما ہالز پر بھی تالے پڑ گئے، تقریبات بھی منسوخ کر دی گئیں، سعودی عرب نے اپنے شہریوں کو ایران کے سفر سے روک دیا۔ عراق اور ترکی نے ایران کے ساتھ سرحدیں بند کر دیں، عراقی ایئر ویز کا آپریشن بھی معطل کر دیا گیا، پاکستان نے بھی تفتان اور چاغی بارڈر بند کر دیے، ایران سے ملحقہ بلوچستان کے اضلاع میں ایمرجنسی کا نفاذ بھی کر دیا گیا ہے۔

Comments

- Advertisement -