The news is by your side.

Advertisement

سوات میں کرونا وائرس سے مزید 8 افراد جاں بحق

پشاور: صوبہ خیبر پختونخوا کے شہر سوات میں کرونا وائرس سے مزید 8 افراد جاں بحق ہوگئے۔

تفصیلات کے مطابق سوات میں کرونا وائرس سے مزید 8 افراد جاں بحق ہوگئے جس کے بعد سوات میں مہلک وائرس سے جاں بحق ہونے والے افراد کی تعداد 72 ہوگئی۔

ترجمان محکمہ صحت نے بتایا کہ سوات میں مزید 74 افراد میں کروناوائرس کی تصدیق ہوگئی ہے۔

کرونا سے پاکستان میں مزید 111 افراد جاں بحق

واضح رہے کہ گزشتہ 24 گھنٹوں کے دوران ملک بھر میں مزید 111 افراد کرونا انفیکشن کا شکار ہو کر جان کی بازی ہار گئے جبکہ 4,443 نئے کیسز سامنے آئے۔

نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 148,921 افراد متاثر ہو چکے ہیں، جب کہ اموات کی تعداد 2,839 ہو گئی ہے۔

پاکستان میں آبادی کے لحاظ سے کرونا وائرس سے متعلق اعداد و شمار کچھ یوں ہے کہ 10 لاکھ آبادی میں اموات کی شرح 12 سے بھی بڑھ کر 13 فیصد ہو گئی ہے۔

ملک کے مختلف شہروں میں اس وقت کرونا کے زیر علاج مریضوں کی تعداد 89 ہزار 692 ہے، جب کہ اب تک 56,390 مریض وائرس سے لاحق ہونے والی بیماری سے صحت یاب ہو چکے ہیں۔

Comments

یہ بھی پڑھیں