جنیوا: عالمی ادارہ صحت (ڈبلیو ایچ او) نے کروناوائرس سے متعلق افواہوں کو روکنے کے لیے اہم اقدامات کرنا شروع کردیے۔
غیرملکی خبررساں ادارے کی رپورٹ کے مطابق عالمی ادارہ صحت نے سماجی رابطے کی ویب سائٹ ٹوئٹر پر ٹوئٹ کیا کہ صحت کی درست معلومات اور افواہوں کو روکنے پر کام کررہے ہیں۔
ڈبلیو ایچ او کا کہنا ہے کہ کروناوائرس (کویڈ19) سے متعلق افواہوں کو روکنے کے لیے حکومتوں کا تعاون حاصل ہے۔ میڈیا، ائیرلائنز اور ٹیکنالوجی کی کمپنیوں کے ساتھ بھی کام کر رہے ہیں۔
.@WHO has been working with governments, airlines, media and technology companies to provide accurate health information to the public and to stop rumours about #COVID19.
— World Health Organization (WHO) (@WHO) February 12, 2020
کرونا وائرس کے ساتھ پروپیگنڈے کا بھی مقابلہ کررہے ہیں، عالمی ادارہ صحت
اپنے حالیہ بیان میں عالمی ادارہ صحت کا کہنا تھا کہ کرونا سے متعلق غلط معلومات اور افواہیں مشکلات پیدا کررہی ہیں، سازشی نظریات کرونا پر قابو پانے کے عمل کو نقصان پہنچا رہی ہیں، لوگوں کو صحت کے لیے درست معلومات تک رسائی ملنی چاہئے، کرونا وائرس سے متعلق غلط معلومات خوف کا سبب بنتی ہیں۔
چین سے پھیلنے والے مہلک کروناوائرس کو ورلڈ ہیلتھ آرگنائزیشن نے ’’COVID-19‘‘ کا نام دے دیا ہے۔
خیال رہے کہ ہلاکت خیز کرونا وائرس چین کے انڈسٹریل شہر ووہان سے شروع ہوا تھا جس نے پوری دنیا کو اپنی لپیٹ میں لےلیا ہے۔ چین میں کرونا وائرس سے اموات کا سلسلہ جاری ہے۔
