The news is by your side.

Advertisement

کروناوائرس: قیدیوں کی 2 ماہ کی سزا معاف کرنے کا حکم

مظفرآباد: وزیراعظم آزاد کشمیر راجہ فاروق حیدر نے قیدیوں کی 2 ماہ کی سزا معاف کرنے کا حکم دے دیا۔

تفصیلات کے مطابق وزیراعظم آزاد کشمیر کی زیر صدارت اسٹیٹ کوآرڈی نیشن کمیٹی کا اجلاس ہوا، اس دوران آزاد کشمیر میں کروناوائرس سے نمٹنے کے لیے اقدامات کا جائزہ لیا گیا۔

اجلاس میں فیصلہ کیا گیا ہے کہ آزادکشمیر میں کل سے 3دن تک پبلک ٹرانسپورٹ پر پابندی ہوگی جبکہ بیرون ملک سے آنے والے تمام افراد کو گھروں میں قرنطینہ میں رکھا جائے گا۔

فاروق حیدر نے حکم دیا کہ انتظامیہ اور محکمہ صحت روزانہ کی بنیاد پر گھروں کا دورہ کرے، آزاد کشمیر بھر میں ہیلتھ ایمرجنسی نافذ ہے، عوام حکومتی اداروں کے ساتھ مکمل تعاون کریں۔

عوام احتیاط کریں گے تو کرونا وائرس سے نمٹ سکتے ہیں، وزیراعظم

وزیراعظم آزادکشمیر فاروق حیدر نے قیدیوں کی 2 ماہ کی سزا معاف کرنے کا حکم دیتے ہوئے کہا کہ غلط خبریں پھیلانے والوں کے خلاف بھی کارروائی ہوگی۔

خیال رہے کہ ملک کے تمام صوبوں کی طرح آزاد کشمیر میں بھی کروناوائرس سے نمٹنے کے لیے ہرممکن اقدامات کیے جارہے ہیں۔ گلگت بلتستان کو وفاق نے خصوصی مدد فراہم کی ہے۔

fb-share-icon0
Tweet 20

Comments

comments

یہ بھی پڑھیں