The news is by your side.

Advertisement

ایران میں کورونا وائرس مزید جانیں نگل گیا، تعداد 54 ہوگئی

تہران: ایران میں مہلک کورونا وائرس مزید جانیں نگل گیا جس کے بعد وبا سے اموات کی تعداد 54 ہوگئ۔

ایرانی میڈیا رپورٹس کے مطابق گزشتہ 24گھنٹوں کےدوران ملک میں 385 کورونا وائرس کے نئے کیسز رپورٹ ہوئے ہیں، صرف دارالحکومت تہران میں 179 کیسز سامنے آئے۔

ایران میں کورونا وائرس سے متاثرہ افراد کی تعداد 976 ہو گئی ہے جب کہ اموات 54 تک پہنچ گئی ہے۔

وزارت صحت کا کہنا ہے کہ کورونا وائرس سے متاثرہ 175 افراد صحت یاب ہو چکے ہیں اور انہیں اسپتالوں سے فارغ کر دیا گیا ہے۔

یہ بھی پڑھیں: کرونا وائرس نے ایرانی رکن پارلیمنٹ کی جان لے لی

ترجمان وزارت صحت کا کہنا ہے کہ کورونا وائرس کے سب سے زیادہ کیسز تہران، قم اور رشہت میں رپورٹ ہوئے ہیں، متاثرہ شہروں میں طبی عملہ الرٹ ہے اور تمام تر دستیاب وسائل بروئے کار لائے جارہے ہیں۔

واضح رے کہ دو روز قبل کورونا وائرس سے متاثرہ ایران کی پارلیمنٹ کے رکن محمد علی رمضانی دستک انتقال کر گئے تھے۔
محمد علی دستک حال ہی میں آستانہ اشرفیہ کے رکن منتخب ہوئے تھے، انہیں چند روز قبل ہی کرونا وائرس کی تشخیص ہوئی تھی۔

fb-share-icon0
Tweet 20

Comments

comments

یہ بھی پڑھیں