تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کرونا وائرس سے بچاؤ: سعودی وزارت صحت کے اہم مشورے

ریاض: سعودی وزارت صحت کے ترجمان ڈاکٹر محمد العبد العالی نے کہا ہے کہ کرونا وائرس کا خطرہ سب سے زیادہ معمر افراد کو ہے، بزرگ شہری وائرس سے بچنا چاہتے ہیں تو گھروں میں رہیں، بازار نہ جائیں اور بھیڑ بھاڑ سے دور رہیں۔

عرب میڈیا کے مطابق سعودی وزارت صحت کے ترجمان ڈاکٹر محمد العبد العالی کا کہنا ہے کہ ایسے شہری یا ملک میں مقیم غیرملکی جن کی عمریں 65 برس سے زیادہ ہوں، وہ لاعلاج امراض میں مبتلا ہوں یا انہیں قوت مزاحمت میں کمزوری کا مسئلہ درپیش ہو ایسے افراد کرونا وائرس کی زد میں زیادہ آسکتے ہیں۔

ترجمان سعودی وزارت صحت نے کہا کہ معمر افراد نقل و حرکت کم کریں، گھروں سے نہ نکلیں، ضرورت کی اشیا رشتہ داروں یا احباب کے ذریعے طلب کریں، سماجی فاصلے کے اصول کی سختی سے پابندی کریں۔

وزارت صحت کے ترجمان نے معمر افراد کو وائرس سے بچنے کے لیے مشورے دیتے ہوئے کہا کہ وہ اپنی ناک اور منہ کی حفاظت کے لیے ماسک کا استعمال کریں، وہ دوسروں کے منہ یا ناک سے نکلنے والے وائرس سے محفوظ رہیں گے، ہاتھ پابندی سے دھوتے رہیں، ہاتھوں کو سینیٹائز کریں، سامان چھونے سے بچیں، اشیا کی قیمت ادا کرتے ہوئے کرنسی نوٹ کے بجائے اے ٹی ایم کارڈ کا استعمال کریں۔

ڈاکٹر محمد العبد العالی نے کہا کہ ان دنوں فیلڈ ٹیسٹنگ ٹیمیں ناک کے ذریعے مقامی شہریوں اور تارکین کا کرونا ٹیسٹ کررہی ہیں۔ ان کا کہنا تھا کہ بعض لوگوں کو اس حوالے سے خدشات ہیں، ان کے خدشات بے معنی ہیں اس میں تشویش کی کوئی بات نہیں، ایسا کرتے ہوئے کوئی درد یا تکلیف نہیں ہوتی، یقین رکھیں کہ ٹیسٹنگ ٹیموں کے ارکان تجربہ کار ہیں، ناک کا معائنہ کرتے وقت کسی کو کوئی تکلیف نہیں ہوگی۔

Comments

- Advertisement -