The news is by your side.

Advertisement

پنجاب میں 24 گھنٹے کے دوران کورونا وائرس میں 99 فیصد تک کمی

لاہور : پنجاب میں 24 گھنٹوں کے دوران کورونا وائرس میں 99 فیصد تک کمی سامنے آئی اور صرف 56نئے کیسز رپورٹ ہوئے جبکہ کورونا سے مزید کوئی ہلاکت نہیں ہوئی۔

تفصیلات کے مطابق پنجاب میں کورونا کیسز اور اموات میں کمی کا سلسلہ برقرار ہے ، ترجمان پرائمری اینڈ سیکنڈری ہیلتھ کیئر نے کہا کہ کورونا وائرس کے صرف 56 نئے کیسز سامنے آئے، جس کے بعد کورونا وائرس کے کنفرم مریضوں کی تعداد 95،447 ہو گئی۔

ترجمان کے مطابق لاہور میں 15، ننکانہ3 ، شیخو پورہ 4،راولپنڈی1 اور گوجرانوالہ میں 7 کیسز ، سیالکوٹ 3، گجرات2، منڈی بہاؤالدین 6، ملتان 5 اور رحیم یار خان میں 1 کیس سامنے آیا جبکہ سرگودھا 1، میانوالی 1، خوشاب 1، بہاولنگر1، لودھراں 1، ڈیرہ غازی خان1، لیہ 1، اوکاڑہ 1اور پاکپتن میں 1 کیس رپورٹ ہوا۔

پرائمری اینڈ سکینڈری ہیلتھ کیئر کے ترجمان نے کہا کہ گذشتہ 24 گھنٹوں کے دوران کورونا وائرس سے مزید کوئی ہلاکت نہیں ہوئی اور اموات کی کل تعداد 2 ہزار 182 ہوچکی ہیں۔

ترجمان کے مطابق اب تک 832،296 ٹیسٹ کیے جا چکے ہیں جبکہ کورونا وائرس کو شکست دینے والوں کی تعداد 88،698 ہو گئی ہے۔

پرائمری اینڈ سکینڈری ہیلتھ کیئر نے عوام سے گزارش کی ہے کہ حفاظتی تدابیر اختیار کرکے خود کو محفوظ بنائیں اورکورونا وائرس کی علامات ظاہر ہونے پر فوراََ 1033 پر رابطہ کریں۔

Comments

یہ بھی پڑھیں