The news is by your side.

Advertisement

کرونا وائرس ، سندھ حکومت کی وفاق سے 2 ماہ کے بجلی وگیس بل نہ لینے کی اپیل

کراچی : سندھ حکومت نے کرونا وائرس کی صورتحال کے پیش نظر وفاقی حکومت سے  2ماہ کےبجلی وگیس بل نہ لینے پر غور کرنے کی اپیل کردی ہے۔

تفصیلات کے مطابق ملک میں کرونا وائرس کی صورتحال کے پیش نظر سندھ حکومت نے وفاق  سے عوامی ریلیف کے لیے اپیل کردی ہے۔

سندھ کے وزیر زراعت محمد اسماعیل راہو نے کہا ہے کہ وفاقی حکومت شہریوں سے2ماہ کےبجلی وگیس بل نہ لینےپرغورکرے اور  شہریوں سے 2ماہ 300یونٹ بجلی کےبلزنہ لے۔

اسماعیل راہو نے حکومت سے1000 روپے تک کےگیس بل بھی وصول نہ کرنے کی اپیل کرتے ہوئے کہا شہری گھروں تک محدود ہیں، کاروبار بند ہیں، ریلیف ملناچاہئے۔

صوبائی وزیر نے کہا کہ چھوٹےکاروباری، ملازمین، مزدور کاگزر مشکل وقت سے ہو رہا ہے، خان صاحب بھلےسندھ کوکوئی فنڈنہ دیں مگرعوام کوتوریلیف دیں، وفاقی حکومت پنجاب، بلوچستان، کے پی تک محدود نہ رہے۔

خیال رہے کرونا وائرس کےپھیلاؤ روکنےکیلئے صوبائی حکومتوں نے شہریوں کوگھروں تک محدود رکھنےکیلئےسخت اقدامات کئے ہیں ، شادی بیاہ کے اجتماع سمیت دیگراجتماعات پرپابندی لگادی گئی ہے۔

بازار اور مارکیٹس بھی بند کردی ہیں جبکہ ریسٹورنٹس میں لوگوں کوکھانادینے پر پابندی ہے ، ہوم ڈیلیوری اورٹیک اوے کی اجازت ہے اور سندھ میں انٹرسٹی اور بین الصوبائی بس سروس مکمل بند ہے۔

fb-share-icon0
Tweet 20

Comments

comments

یہ بھی پڑھیں