کراچی: صوبائی وزیر صحت ڈاکٹر عذرا پیچوہو نے کرونا وائرس سے متعلق ویڈیو بیان جاری کردیا۔ انہوں نے ایران اور چین کا سفر کرنے والوں کو 14 روز تک گھروں میں رہنے کا مشورہ دیا۔
صوبائی وزیر صحت کا کہنا تھا کہ عوام احتیاطی تدابیرپرعمل کریں، تیزبخار،کھانسی یا سانس لینےمیں تکلیف ہوتو محکمہ صحت سے فوری طور پر رابطہ کریں۔
عذرا پیجوہو کا کہنا تھا کہ کرونا وائرس کی علامات ظاہر ہونےپر ہیلپ ڈیسک پر رابطہ کریں جس کے بعد ہماری ٹیم فوری میڈکل سہولت فراہم کرے گی۔
ڈاکٹر عذرا پیجوہو کا کہنا تھا کہ تمام لوگ ہاتھ ملانے سے گریز کریں، کھانسی یا چھینک آئے تو ہاتھ منہ پر ضرور رکھیں تاکہ وائرس سے دیگر لوگ متاثر نہ ہوں کیونکہ اس وقت کسی کا کچھ علم نہیں ہے۔
Minister of Health & Population Welfare Dr. @AzraPechuho shares a message for everyone on #Coronaviruspakistan. #CoronaVirusUpdates #SindhHealth pic.twitter.com/JzjjHTVDi6
— Health and Population Welfare Department, Sindh (@SindhHealthDpt) February 27, 2020
اُن کا کہنا تھا کہ چین، ایران کا سفرکرنے والے افراد 14 روز تک گھروں میں ہی رہیں اور کم سے کم لوگوں سے ملاقاتیں کریں، اپنا تولیہ علیحدہ رکھیں، گھر والوں سے بھی ہاتھ نہ ملائیں، ہاتھ بار بار صابن سے دھوئیں، پانی زیادہ سے زیادہ استعمال کریں۔
مزید پڑھیں: کیا کرونا وائرس گھریلو ٹوٹکوں سے ختم ہوجاتا ہے؟
ڈاکٹر عذرا پیجوہو کا کہنا تھا کہ اس کا کوئی خاص علاج نہیں، بخار کے لیے پینا ڈول استعمال کریں، پانی زیادہ سے زیادہ پیئں۔
علاوہ ازیں محکمہ سندھ نے کرونا وائرس کے حوالے سے ایڈوائزری بھی جاری کی۔