The news is by your side.

Advertisement

دوبارہ لاک ڈاون سے بچنے کیلئے نئے قوانین متعارف کرائے، بورس جانسن

لندن : برطانوی وزیر اعظم بورس جانسن نے سماجی فاصلے کے نئے قوانین متعارف کراتے ہوئے کہا ہے کہ 6 سے زیادہ افراد کے میل جول پر پابندی ہوگی۔

ان خیالات کا اظہار برطانوی وزیر اعظم بورس جانسن نے کرونا وائرس کے بڑھتے ہوئے کیسز کے پیش نظر احتیاطی تدابیر دوبارہ لاگو کرنے سے متعلق پریس کانفرنس کرتے ہوئے کیا، انہوں نے برطانوی وزیراعظم نے سماجی فاصلے کے نئے قوانین متعارف کرا دئیے۔

برطانوی وزیر اعظم کا کہنا تھا کہ دکھی دل کے ساتھ سماجی فاصلے پر زور دے رہے ہیں، سماجی فاصلے کے نئے قوانین کا اطلاق پیر سے ہوگا۔

بورس جانسن نے کہا کہ 6 سے زیادہ افراد کے میل جول پر پابندی ہوگی، عوام کیلئے لاک ڈاؤن کے قوانین پیچیدہ اور مشکل ہورہے تھے۔

ان کا کہنا تھا کہ ایک اور لاک ڈاؤن سے بچنے کیلئے نئے قوانین لائے ہیں، قانون کی خلاف ورزی پر جرمانہ اور گرفتاری بھی کی جاسکتی ہے۔

واضح رہے کہ برطانیہ میں مسلسل چوتھے روز بھی 2 ہزار زائد افراد میں کورونا کی تشخیص ہوئی ہے، اپوزیشن لیڈر کیئر اسٹارمر کانئے نے قوانین کی حمایت کا اعلان کرتے ہوئے کہا ہے کہ عوام سے اپیل ہے کہ حکومتی ہدایات پر عمل کریں۔

Comments

یہ بھی پڑھیں