site
stats
پاکستان

آرمی چیف کی زیرِ صدارت کورکمانڈرز کانفرنس، آپریشن میں تیزی لانے کافیصلہ

راولپنڈی: آرمی چیف جنرل راحیل شریف کی زیر صدارت کور کمانڈر کانفرنس کا انعقاد ہوا جس میں آپریشن ضرب عضب اور نیشنل ایکشن پلان سمیت متعدد امور پر غورکیا گیا اور ملک میں جاری آپریشنز میں تیزی لانے کا فیصلہ بھی کیا گیا۔

آئی ایس پی آرکی جانب سے جاری کردہ اعلامیے کے مطابق اجلاس سے خطاب کرتے ہوئے جنرل راحیل شریف نے کہا کہ دہشت گردی کے خلاف جنگ میں فوج کو پوری قوم کی حمایت حاصل ہے۔

آرمی چیف کا کہنا تھا کہ قوم کے تعاون سے دہشت گردی کے خاتمے کی جانب بڑھ رہے ہیں۔

انہوں نے یہ بھی کہا کہ بہتر نتائج کیلئے قوم میں اتحاد اور گڈ گورننس بہت ضروری ہے، ملک میں امن وامان کے قیام کیلئے طویل المدتی پالیسی بنائی جائے۔

جنرل راحیل شریف کا کہنا تھا کہ جے آئی ٹیز کی انکوائریاں جلد اورترجیحی بنیادوں پرمکمل کی جائیں اگرتفتیش جلد مکمل نہ کی گئی تو ملک میں جاری آپریشن متاثرہوں گے۔

اجلاس میں آرمی چیف کے مجوزہ دورہ امریکہ کے دوران پاکستانی موقف پربھی غورکیا گیا۔

آرمی چیف نے کانفرنس کے شرکاء کو سعودی عرب کے دورے پراعتماد میں لیا۔

اجلاس میں آپریشن سے بے گھر قبائلیوں کی اپنے گھروں واپسی پر بھی تبادلہ خیال کیا گیا، آرمی چیف نے آپریشن پرکامیابیوں پراظہار تفاخرکیا اورکانفرنس میں ملک کی اندرونی سکیورٹی کے معاملات بھی زیرغورآئے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top