راولپنڈی : کورکمانڈرراولپنڈی کا کہنا ہے کہ شہری آبادی کونشانہ بنانےپربھارتی جارحیت کا منہ توڑ جواب دیا جائے۔

پاک فوج کے شعبہ تعلقات عامہ آئی ایس پی آر کے مطابق کورکمانڈرراولپنڈی لیفٹینٹ ننے لائن آف کنٹرول کے مختلف سیکٹرز کا دورہ کیا، اس موقع پر جوانوں سے بات کرتے ہوئے کو رکمانڈر نے کہا کہ شہری علا قوں کو نشانہ بنانے پر بھارتی جارحیت کا منہ توڑجواب دیاجائے

کورکمانڈرراولپنڈی نے مزید کہا کہ پاک فوج ایل اوسی پر بھارتی اشتعال انگیزی کا بھر پور جواب دیتی رہے، بھارتی فوج نےایل اوسی پرگزشتہ دنوں بلاجوازشہری آبادی کونشانہ بنایا۔

یاد رہے کہ چند روز قبل کورکمانڈر راولپنڈی لیفٹیننٹ جنرل ندیم رضا نے کنٹرول لائن پر بٹل اور دوراندی سیکٹرز کا دورہ کیا تھا اوروہاں تعینات نوجوانوں سے ملاقات کی اور ان کے حوصلے کی تعریف کی۔

مزید پڑھیں : بھارتی فوج کی ایل او سی پر پھرفائرنگ، خاتون سمیت چارشہری زخمی

واضح رہے کہ دو روز قبل بھارتی فوج نے ایک بار پھر اپنی روائتی ہٹ دھرمی کا مظاہرہ کرتے ہوئے راولاکوٹ سیکٹر پر بلااشتعال فائرنگ کی، جس کے نتیجے میں چار شہری زخمی ہوگئے تھے۔

پاکستان نے بلااشتعال فائرنگ کی پرزور مذمت کرتے ہوئے بھارتی رویہ کو خطے کے امن کیلئے نقصان دہ قرار دیا اور کہا تھا کہ  یواین اور عالمی برادری بھارت کو کشیدہ صورتحال کا ذمہ دارٹھہرائے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔