site
stats
پاکستان

کرپشن کیس :سابق مشیر خزانہ خالد لانگو کے ریمانڈ میں مزید 14 روز کی توسیع

کوئٹہ: احتساب عدالت نے سابق مشیر خزانہ خالد لانگو کے ریمانڈ میں چودہ روز کی توسیع کردی۔

تفصیلات کے مطابق بلوچستان میگا کرپشن کیس میں سابق مشیر خزانہ خالد لانگو کو چودہ روزہ ریمانڈ کے بعد کوئٹہ کی احتساب عدالت میں پیش کیا گیا، سماعت میں عدالت نے خالد لانگو کو مزید چودہ روزہ ریمانڈ پرنیب کے حوالے کردیا ۔

یاد رہے کہ بلوچستان ہائی کورٹ سے درخواست ضمانت مسترد ہونے کے بعد نیب نے سابق مشیر خزانہ خالد لانگو کو احاطہ عدالت سے کرپشن کے الزامات کے تحت گرفتار کرلیا تھا، خالد لانگو نے مشیرخزانہ کے عہدے سے اُس وقت استعفیٰ دیا تھا، جب سیکریٹری خزانہ مشتاق رئیسانی کے گھر سے لاکھوں روپے کی ملکی اور غیرملکی کرنسی برآمد ہوئی تھی۔

بلوچستان میں اس سکینڈل میں اب تک میر خالد خان لانگو اور سیکریٹری خزانہ مشتاق رئیسانی کے علاوہ چار دیگر افراد کو گرفتار کیا گیا ہے۔

خالد خان لانگو 2013 کے عام انتخابات میں نیشنل پارٹی کے ٹکٹ پر ضلع قلات سے رکن صوبائی اسمبلی منتخب ہوئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top