The news is by your side.

Advertisement

ادویات کی خریداری میں بڑی کرپشن، ملزمان ریمانڈ پر جیل روانہ

کراچی : احتساب عدالت نے ادویات کی خریداری کی مد میں کروڑوں روپے کی کرپشن میں ملوث ملزمان کو عدالتی ریمانڈ پر جیل بھیج دیا۔

تفصیلات کے مطابق احتساب عدالت میں کے وی ایس ایس اسپتال میں دواؤں کی خریداری کی مد میں67 کروڑ روپے کی کرپشن کے مقدمے میں اسپتال کے سابق آڈیٹر قاضی عبد الوہاب سمیت 14 ملزمان کے خلاف ریفرنس پر سماعت ہوئی۔

پولیس نے تین مفرور ملزمان محمد آصف، آفاق احمد اور شاہد قمر کو عدالت میں پیش کردیا گیا، عدالت نے ملزمان کو عدالتی ریمانڈ پر جیل بھیج دیا، گرفتار تین ملزمان کے علاوہ دیگر ملزمان ضمانت پر رہا ہیں۔

اس حوالے سے ذرائع کا کہنا ہے کہ نیب ریفرنس میں سابق کمشنر سیسی فاروق لغاری، سابق ایم ایس لانڈھی اسپتال ظہیر عباس، سابق ایم ایس انیس قادر منگی، ایم ایس سعادت میمن، سابق ایم ایس جاوید احمد نامزد ہیں۔

نیب ریفرنس میں کہا گیا ہے کہ ملزم قاضی عبد الوہاب نے جعلی ادویات کی کھپت ظاہر کی، ادویات کی خریداری میں جعل سازی کی گئی دواؤں کی خریداری میں سیپرا رولز کی خلاف ورزی کی گئی اس کے علاوہ سابق کمشنر سیسی فاروق لغاری نے بھی اپنے اختیارات کا ناجائز استعمال کیا۔

Comments

یہ بھی پڑھیں