کرپشن کے خلاف جنگ ہرصورت جاری رہے گی، چیئرمین نیب کا اعلان -
The news is by your side.

Advertisement

کرپشن کے خلاف جنگ ہرصورت جاری رہے گی، چیئرمین نیب کا اعلان

اسلام آباد: چیئرمین نیب قمرزمان چوہدری کا کہنا ہے کہ کرپشن ملک کی سماجی اور اقتصادی ترقی کی راہ میں بڑی رکاوٹ ہے جس کے خلاف جنگ ہرصورت جاری رہے گی۔

تفصیلات کے مطابق ایف پی سی سی آئی کے صدر عبدالرؤف عالم سے خصوصی ملاقات میں چیئرمین نیب نے کہا کہ ملک میں گڈ گورننس کو یقینی بنانے اور اس کے ثمرات کو عوام تک پہنچانے کے لیے ملک سے کرپشن کے ناسور کو ختم کرنا ہوگا اور اس کے خلاف نیب کے افسران کی کاوشیں قابل تحسین ہیں۔

انہوں نے مزید کہا کہ ’’کرپشن سے ناانصافی میں اضافہ ہوتا ہے جو ملکی ترقی اور سرمایہ کاری کے راستے میں سب سے بڑی رکاوٹ ہے، ترقی یافتہ جمہوری معاشروں میں اس ناسور کی کوئی گنجائش موجود نہیں ہے، قمر زمان چوہدری نے کہا کہ کرپشن کے باعث عوام میں عدم تحفظ اور مایوسی کا احساس پیدا ہوتا ہے جس کے باعث معاشرے میں سنگین مسائل اور جرائم پیدا ہوتے ہیں۔

ایف پی سی سی آئی کے صدر عبد الرؤف عالم نے چیئرمین نیب کو تاجر برادری کے تحفظات اور مسائل سے آگاہ کیا اور کہا کہ ’’ملک میں کرپشن جتنی کم ہوگی ملکی و غیرملکی سرمایہ کاری میں اضافہ ہوگا اور ملک تیزی سے ترقی کرے گا۔

دوسری جانب نیب کی جانب سے بڑے پیمانے پر افسران کے تبادلے و تقرریوں کا نوٹیفیکشن جاری کیا گیا ہے، جس کے مطابق ایڈیشنل ڈائریکٹر طارق حمید بٹ کو نیب راولپنڈی سے کراچی منتقل کردیا گیا ہے جبکہ ایڈیشنل ڈائریکٹر محمد طاہر کا نیب ہیڈ کوارٹر سے کراچی تبادلہ کردیا گیا ہے۔

NAB1 تاہم ایڈیشنل ڈائریکٹر نیب لاہور شکیل انجم کا تبادلہ نیب ہیڈ کوارٹر اسلام آباد، ایڈیشنل ڈائریکٹر بلوچستان غلام صفدر شاہ کا تبادلہ لاہور، محمد نسیم خان کا تبادلہ نیب ہیڈ کوارٹر جبکہ ڈپٹی ڈائریکٹر نیب راولپنڈی شہزاد احمد کا تبادلہ سکھر ، ڈائریکٹر نیب ملتان عتیق الرحمان کا تبادلہ ملتان جبکہ عبد الحفیظ خان کو ڈائریکٹر ملتان کے عہدے پر تعینات کردیا گیا ہے۔

NAB2نیب افسر مجاہد اکبر بلوچ کو نیب ہیڈ کوارٹر سے بلوچستان، ظفر اقبال خان کا تبادلہ اسلام آباد سے کراچی بطور قائم مقام ڈائریکٹر نیب سندھ اور غلام فاروق کا تبادلہ نیب ہیڈ کوارٹر اسلام آباد کردیا گیا ہے۔

Comments

comments

یہ بھی پڑھیں