تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

کرپٹ ممالک کی عالمی فہرست میں پاکستان کی پوزیشن بہتر

برلن: بدعنوانی پر نظر رکھنے والے عالمی ادارے ٹرانسپیرنسی انٹرنیشنل نے کرپٹ ممالک کی فہرست جاری کردی جس میں پاکستان کی پوزیشن پہلے سے بہتر ہوئی۔

تفصیلات کے مطابق جرمنی کے دارالحکومت میں قائم بین الاقوامی تنظیم ٹرانسپیرنسی انٹرنیشنل نے بدعنوانی سے متعلق سال 2018 کی عالمی رپورٹ جاری کی جس کے مطابق ہنگری اور ترکی جیسے ممالک میں کرپشن گزشتہ برس کے مقابلے میں بہت زیادہ بڑھ گئی۔

رپورٹ کے مطابق امریکا بھی بڑھتی ہوئی کرپشن کی وجہ سے شفاف ترین ممالک کی فہرست سے خارج ہوگیا جبکہ پاکستان کی پوزیشن میں بہتری پیدا ہوئی۔

مزید پڑھیں: بدعنوانی کا خاتمہ ہمارا ایمان ہے، کرپشن فری پاکستان کیلئے کوشاں ہیں،چیئر مین نیب

ٹرانسپیرنسی انٹرنیشنل کے مطابق سن 2018 میں دنیا کے دو تہائی ممالک 100 میں سے نصف نمبر بھی حاصل نہیں کرسکے، پورے یعنی 100 نمبر حاصل کرنے والے ملک کو شفاف ترین جبکہ سب سے کم نمبر حاصل کرنے والے کو بدعنوان ترین ملک قرار دیا جاتا ہے۔

رپورٹ کے مطابق ڈنمارک  نے دنیا کے شفاف ترین ملک کا اعزاز اپنے نام کیا، نیوزی لینڈ، فن لینڈ، سنگاپور، سوئیڈن، سوئٹزرلینڈ بالترتیب فہرست میں دوسری، تیسری، چوتھی، پانچویں اور چھٹی جگہ حاصل کرسکے۔

اسی طرح صومالیہ کو دنیا کا بدعنوان ترین ملک قرار دیا گیا علاوہ ازیں شام، جنوبی، سوڈان، یمن، شمالی کوریا، سوڈان، افغانستان اور لیبیا جیسے ممالک کے نام بھی برعنوان ممالک کی فہرست میں سامنے آئے۔

ٹرانسپیرنسی نے فہرست منگل 29 جنوری کے روز جاری کی جس میں بتایا گیا کہ پاکستان میں کرپشن اور بدعنوانی کے حوالے سے صورتحال میں بہتری پیدا ہوئی، گزشتہ برس پاکستان کو 32 پوائنٹس ملے تھے جبکہ اس بار 33 پوائنٹس ملے ، فہرست میں پاکستان کا نام 117ویں نمبر پر ہے۔

یہ بھی پڑھیں: پاکستان میں بدعنوانی کی شرح میں کمی آگئی، ٹرانسپرنسی انٹرنیشل

Comments

- Advertisement -