The news is by your side.

Advertisement

9 سالہ لڑکی پر تیندوے کا دل دہلا دینے والا حملہ، کمزور دل حضرات تصاویر نہ دیکھیں

واشنگٹن: امریکا میں کیمپنگ کے دوران ایک نو سالہ بچی پر خوں خوار تیندوے نے اچانک حملہ کر کے شدید زخمی کر دیا۔

تفصیلات کے مطابق ہفتے کو واشنگٹن کے ایک چرچ کیمپ میں آنکھ مچولی کھیلنے والی 9 سالہ لڑکی پر ایک تیندوے نے حملہ کر دیا، جس سے وہ شدید زخمی ہو گئی، جب کہ اس کے دوست چیختے چلاتے بھاگ کھڑے ہوئے۔

سامنے آنے والی تصاویر میں دیکھا جا سکتا ہے کہ تیندوے نے کس بری طرح للی نامی لڑکی کو زخمی کیا ہے، للی کے چہرے پر بھی گہری خراشیں آئی ہوئی ہیں، جس کی وجہ سے سارا چہرہ سوجھ چکا ہے۔

للی بری طرح زخمی تھی اور اس کو ایک ہیلی کاپٹر میں اسپتال لے جایا گیا تھا، تصاویر میں وہ اسپتال کے بستر پر بے ہوش پڑی دکھائی دیتی ہے، لڑکی کے چچا مینٹسوِچ نے بتایا کہ لِلی کئی گھنٹوں تک انتہائی نگہداشت کے یونٹ میں زیرِ علاج رہی جہاں اس کا آپریشن بھی کیا گیا۔

لڑکی کے چچا کا کہنا ہے کہ لِلی کے طبی اخراجات برداشت کرنے کے لیے فنڈ جمع کرنے کی کوشش کی جا رہی ہے۔

دوسری طرف ماحولیات کے تحفظ کی ریاستی ایجنسی کا کہنا ہے کہ 1924 کے بعد سے ریاست واشنگٹن کے جنگلوں میں تیندووں نے صرف 20 افراد پر حملہ کیا جن میں سے 2 ہلاک ہوئے، ہم اس مخصوص حملے کے حالات کو سمجھنے کی کوشش کریں گے۔

واضح رہے کہ لڑکی پر حملہ کرنے والے تیندوے کو موقع پر موجود کسی شخص نے مار دیا تھا، ماحولیاتی اہل کار کا کہنا تھا کہ تیندوے کی لاش جائے وقوعہ سے مل گئی ہے، ممکنہ بیماریوں کا جائزہ لینے کے لیے تیندوے کی لاش کا تجزیہ کیا جائے گا۔

Comments

یہ بھی پڑھیں