The news is by your side.

Advertisement

انسداد بحری دہشت گردی سینٹر فورسز کو تربیت فراہم کرے گا، نیول چیف

کراچی : انسداد بحری دہشت گردی سینٹر اور سیکنڈ فورس پروٹیکشن بٹالین کا سنگ بنیاد رکھ دیا گیا، چیف آف دی نیول اسٹاف ایڈمرل محمد ذکاء اللہ نے بحیثیت مہمان خصوصی شرکت کی۔

تفصیلات کے مطابق انسدادِ بحری دہشت گردی سینٹر اور سیکنڈ فورس پروٹیکشن بٹالین کے تعمیراتی کام کے آغاز کی تقریبات کراچی میں منعقد ہوئیں، چیف آف دی نیول اسٹاف ایڈمرل محمد ذکاء اللہ نے ان تقریبات میں بحیثیت مہمان خصوصی شرکت کی۔

اس موقع پر کمانڈر کوسٹ رئیر ایڈمرل عبدالعلیم بھی موجود تھے۔ تقریب سے خطاب کرتے ہوئے سربراہ پاک بحریہ ایڈمرل محمد ذکاءاللہ نے کہا کہ میری ٹائم انسداد دہشتگردی سینٹر اسپیشل آپریشن فورسز کوتربیت فراہم کرے گااور یہ جدید سہولیات سے آراستہ ہوگا۔

انہوں نے کہا کہ فورس امدادی آپریشنز کے ساتھ آپریشنز کی صلاحیت رکھتی ہے، ترجمان پاک بحریہ کے مطابق انسدادِ بحری دہشت گردی سینٹر کے قیام کا مقصد اسپیشل آپریشن فورس (نیوی) اور دیگر قانون نافذ کرنے والے اداروں کے خصوصی دستوں کو سمندر میں ہونے والی دہشت گردی کی روک تھام کے لیے تربیت فراہم کرنا ہے۔

اس سینٹر میں اسٹیٹ آف دی آرٹ تربیتی سہولیات مہیا کی جائیں گی جن میں لائیو فائر شوٹ ہاؤسز، نشانے بازی میں مہارت کی مشق کی سہولت ، شہری ماحول و زمینی حالات میں فوجی تربیت، کلوز کوارٹر کمبیٹ رینجز اورسیمولیٹرز وغیرہ شامل ہیں۔

چیف آف دی نیول اسٹاف نے کراچی میں سیکنڈ فورس بٹالین کے تعمیراتی کام کا افتتاح بھی کیا۔ سیکنڈ فورس پروٹیکشن بٹالین پاک میرینز کا اایک آپریشنل جزو ہے۔

اس کے قیام کا مقصد کراچی بندرگاہ اور کراچی میں قائم حساس ساحلی تنصیبات کا تحفظ، دشمن کے زیر آب آپریشنز کو ناکام بنانا، امدادی کارروائیاں اور قدرتی آفات کے دوران ریلیف آپریشنز کرنا ہے۔ تقریب میں پاک بحریہ کے افسران، چیف پیٹی آفیسرز اورسیلرز کی ایک بڑی تعداد نے شرکت کی۔

Print Friendly, PDF & Email

Comments

comments

یہ بھی پڑھیں