ملک کی 15 ویں قومی اسمبلی کے منتخب ارکان آج حلف اٹھائیں گے -
The news is by your side.

Advertisement

ملک کی 15 ویں قومی اسمبلی کے منتخب ارکان آج حلف اٹھائیں گے

عمران خان 18 اگست کو وزیرِ اعظم کے عہدے کا حلف اٹھائیں گے

اسلام آباد: اسلامی جمہوریہ پاکستان کی پندرہ ویں قومی اسمبلی کے منتخب ارکان آج حلف اٹھائیں گے، ملک میں جمہوریت ایک اور سنگِ میل کے قریب پہنچ گئی۔

تفصیلات کے مطابق ملک میں ایک نئے عہد کا آغاز ہو گیا ہے، 15 ویں قومی اسمبلی کے منتخب ارکان آج حلف اٹھائیں گے، قومی اسمبلی کا اجلاس آج صبح 10 بجے منعقد ہوگا۔

نو منتخب اور مخصوص نشستوں کے ارکان آئین کی پاس داری کا عہد کریں گے، جب کہ عمران خان وزارتِ عظمیٰ کی جانب پہلا پارلیمانی قدم بڑھائیں گے۔

دوسری طرف پیپلز پارٹی کے شریک چیئرمین آصف علی زرداری اور چیئرمین بلاول بھٹو پہلی بار قومی اسمبلی کے رکن کا حلف اٹھائیں گے۔

مسلم لیگ ن کے صدر شہباز شریف بھی اپوزیشن لیڈر بن کر حکومت کو ٹف ٹائم دینے کے لیے تیار نظر آتے ہیں۔

ملک کی پندرہ ویں قومی اسمبلی میں اسپیکر ایاز صادق نو منتخب ارکان سے حلف لیں گے، حلف کے بعد ہر رکن رجسٹر پر دستخط کرے گا۔

نئی حکومت کا انتظار، اسلامی ترقیاتی بینک پاکستان کو 4 ارب ڈالر دینے کو تیار

آج کے دن کا ایجنڈا مکمل ہونے پر اجلاس 15 اگست تک ملتوی کر دیا جائے گا، 15 اگست کو اسپیکر کا انتخاب عمل میں لایا جائے گا اور نو منتخب اسپیکر نئے ڈپٹی اسپیکر کے لیے رائے شماری کروائیں گے،  جب کہ عمران خان 18 اگست کو وزیرِ اعظم کے عہدے کا حلف اٹھائیں گے۔

دریں اثنا آصف زرداری اور بلاول بھٹو نے قومی اسمبلی سیکرٹریٹ کا دورہ کیا، دونوں ارکان قومی اسمبلی نے رجسٹریشن کروائی، ایک صحافی کے سوال پر کہ کیا اپوزیشن متحد ہوجائے گی؟ اس پر سابق صدر نے جواب دیا کہ آپ ہمارے ساتھ رہا کریں، سب پتا چل جائے گا۔

Comments

comments

یہ بھی پڑھیں