The news is by your side.

Advertisement

بھارت میں کرونا مریضوں کے زیورات لوٹنے والا جوڑا گرفتار

نئی دہلی : بھارتی شہریوں نے کرونا مریضوں اور لاشوں سے سونے چاندی کے زیورات چوری کرنا شروع کردئیے۔

غیر ملکی میڈیا کے مطابق کرونا وائرس کی تباہ کاریوں کے باعث بھارتی شہری ان دنوں شدید معاشی مشکلات کا شکار ہیں، ایسے حالات میں ایک جوڑے نے کرونا مریضوں اور لاشوں سے زیورات چرانا شروع کردئیے۔

کرونا سے ہلاک افراد اور مریضوں سے زیورات چرانے کا واقعہ بھارتی ریاست تلنگانہ کے گچی باولی پولیس اسٹیشن کی حدود میں واقع تلنگانہ انسٹیٹیوٹ آف میڈیکل سائنسس ( ٹمس ) میں پیش آیا، جہاں مریضوں کی دیکھ بھال کرنے والے راجو اور اس کی اہلیہ نے مریضوں کی قیمتی اشیاء سرقہ کرلیں۔

یہ واقع اس وقت رونما ہوا جب کرونا سے صحت یاب ہونے والے ایک مریض سے اسپتال انتظامیہ نے اپنا قیمتی سامان چوری ہونے کی شکایت کی اور بتایا کہ ان کی دیکھ کر راجو اور اس کی اہلیہ لتا سری کررہی تھے۔

مریض کی شکایت پر پولیس نے تحقیقات کیں تو پتہ چلا کہ راجو اور لتاسری نے مریضوں اور لاشوں سے 16 تولے سونا اور 80 تولے چاندی کے زیور سرقہ کیے تھے جس کی مالیت تقریباً 22 لاکھ روپے بتائی گئی ہے۔

میڈیا رپورٹس کے مطابق پولیس نے مسروقہ سامان برآمد کرتے ہوئے دونوں میاں بیوی کو گرفتار کرلیا۔

Comments

یہ بھی پڑھیں