شارجہ : پولیس نے شیر خوار بچے کو فروخت کرنے والے والدہ کو انسانی اسمگلنگ کے الزام میں گرفتار کرلیا۔
تفصیلات کے مطابق متحدہ عرب امارات کی ریاست شارجہ کی پولیس نے خفیہ اطلاعات پر کنگ فیصل روڈ کے قریب کارروائی کرتے ہوئے 500 درہم کے عوض شیر خوار بچہ فروخت کرنے والی خاتون کو حراست میں لے لیا۔
اماراتی خبر رساں ادارے کا کہنا ہے کہ پولیس نے خاتون سمیت تین افراد انسانی اسمگلنگ کے الزام میں گرفتار کیا ہے۔
میڈیا ذرائع کا کہنا ہے کہ انڈونیشیا سے تعلق رکھنے والی خاتون خراب مالی حالات کے باعث گزشتہ ایک برس سے فلیٹ کا کرایہ ادا نہیں کرپائی تھی، جس کے باعث اس نے اپنے شیر خوار بچے کو فروخت کردیا۔
فروخت ہونے والے کم سن بچے کے والد نے بتایا کہ ’شارجہ میں موجود انڈونیشین خاتون ہمارے بچے کو 500 درہم میں خریدنے کےلیے راضی ہوئی تھی۔
بچے کے والد نے بتایا کہ کنگ فیصل روڈ کے قریب واقع رہائشی فلیٹ میں بچے کو خاتون کے حوالے کیا تھا۔
مزید پڑھیں : دبئی: دوشیزہ سے جبراً بدفعلی کروانے کے جرم میں بنگلادیشی خاتون کو سزا
خیال رہے کہ گزشتہ برس اماراتی عدالت نے بنگلادیشی دوشیزہ کو جعلی کاغذات کے ذریعے دبئی اسمگل کرنے اور زبردستی مکروہ فعل انجام دلوانے کے جرم میں بنگلادیشی خاتون کو ساتھی سمیت کو 5 برس قید کی سزا سنائی تھی۔
بنگلا دیشی خاتون نے اپنے 34 سالہ اور 27 سالہ دو بنگلا دیشی ساتھیوں کی مدد سے کم عمر لڑکی کو جعلی کاغذات کے ذریعے عمان پہنچایا تھا اور وہاں سے گاڑی میں بیٹھا کر دبئی منتقل لائی تھی۔
اس سے قبل اماراتی عدالت نے 17 سالہ لڑکی سے جسم فروشی کروانے اور انسانی اسمگلنگ میں ملوث 4 افراد پر مشتمل پاکستانی گروہ کو تین سال قید اور 1 لاکھ درہم جرمانہ ادا کرنے کے بعد ملک بدر کرنے کا حکم دیا تھا۔
