site
stats
پاکستان

شیریں مزاری کی خواجہ آصف کیخلاف درخواست سماعت کیلئے منظور

اسلام آباد : پی ٹی آئی کی رہنما شیریں مزاری کی خواجہ آصف کے خلاف ہتک عزت کی درخواست اسلام آباد ہائیکورٹ نے سماعت کیلئے منظور کرلی ہے، وزیردفاع نے پارلیمنٹ اجلاس کےدوران شیریں مزاری کو ٹریکٹر ٹرالی کہا تھا۔

تفصیلات کے مطابق قومی اسمبلی میں وزیر دفاع کے غیر مناسب ریمارکس شیریں مزاری نے وفاقی وزیرخواجہ آصف کے خلاف ہتک عزت کا دعویٰ کردیا، رجسٹرار آفس کے لگائے گئے اعتراض کو دور کرکے درخواست میں وزیر قانون زاہد حامد، وزیر دفاع خواجہ آصف، اسپیکر قومی اسمبلی ایاز صادق کو فریق بنایا گیا۔


مزید پڑھیں : خواجہ آصف بے شرم اور بے حیا انسان ہیں، شیریں مزاری


شیریں مزاری نے خواجہ آصف کے خلاف اسلام آباد ہائیکورٹ میں درخواست دائر کی تھی، درخواست میں موقف اختیار کیا گیا کہ قومی اسمبلی خواجہ آصف نے 8جون کو قومی اسمبلی اجلاس میں میرے خلاف نازیبا الفاظ استعمال کیے اور عدالت سے استدعا کی اسپیکر قومی اسمبلی کو خواجہ آصف کو اسمبلی رکنیت کے لیے نا اہل قرار دینے کا معاملہ الیکشن کمیشن بھجوانے کا بھی حکم دیا جائے۔

جس پر عدالت نے درخواست پر اعتراض عائد کیا تھا کہ پارلیمنٹ کی کاروائی کو عدالت میں زیر بحث نہیں لایا جاسکتا۔

یاد رہے کہ خواجہ آصف نے قومی اسمبلی کے بجٹ ا جلاس میں تحریک انصاف کی رہنما شیریں مزاری کو خطاب میں خلل ڈالنے پر ٹریکٹر ٹرالی قرار دیا تھا۔


مزید پڑھیں : خواجہ آصف کی جانب سے شیریں مزاری کو نازیبا الفاظ سے پکارنے پر اسمبلی میں ہنگامہ


پی ٹی آئی کی رہنما شیریں مزاری نے خواجہ آصف کو دس کروڑ روپے ہرجانے کا نوٹس بھیج دیا تھا، لیگل نوٹس میں کہا گیا تھا کہ خواجہ آصف نے ایوان میں جو الفاظ استعمال کیے اس سے میری بے عزتی ہوئی، خواجہ آصف نے مجھ سے معافی نہ مانگی تو ان کے خلاف قانونی کارروائی کروں گی۔


مزید پڑھیں :شیریں مزاری نے خواجہ آصف کو 10 کروڑ روپے کا لیگل نوٹس بھیج دیا


تحریک انصاف سمیت دیگراپوزیشن جماعتوں کے بھرپور احتجاج پر وفاقی وزیر دفاع کو اپنے الفاظ واپس لینا پڑے تھے تاہم شیریں مزاری کا اصرار تھا کہ ان کا نام لے کر معافی مانگی جائے۔


Khuwaja Asif Used unethical language for… by arynews

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top