پیر, فروری 10, 2025
اشتہار

غیرت کےنام پر قتل ہونے والی پاکستانی نژاد اطالوی لڑکی کے باپ اور بھائی باعزت بری

اشتہار

حیرت انگیز

گجرات : غیرت کےنام پر قتل ہونے والی پاکستانی نژاد اطالوی شہری ثناءچیمہ کے قتل کیس میں باپ اور بھائی باعزت بری کردیا گیا، پولیس نے دوران تفتیش بھائی اور والد کو مجرم قرار دیا تھا۔

تفصیلات کے مطابق ڈسٹرکٹ اینڈ سیشن عدالت گجرات نے پاکستانی نژاد اطالوی شہری ثناءچیمہ کے قتل کا فیصلہ سناتے ہوئے باپ اور بھائی باعزت بری کردیا۔

قتل کے الزام میں مقدمہ والد ، بھائی ، چچا کے خلاف درج کیا گیا تھا اور پولیس نے دوران تفتیش چچا کو بے گناہ جبکہ بھائی اور والد کو مجرم قرار دیا تھا۔

یاد رہے کہ گذشتہ سال اپریل میں گجرات میں پسند کی شادی کی خواہش پر اہلخانہ نے غیرت کےنام پر اپنی اطالوی بیٹی کو قتل کردیا تھا جبکہ اس کی موت کو اتفاقیہ قرار دے کر دفنا دیا گیا تھا۔

ثناء چیمہ کے مبینہ قتل کی خبر جب انٹرنیشنل میڈیا اور سوشل میڈیا پر نشر ہوئی تو کنجاہ پولیس نے ثناء چیمہ کے باپ غلام مصطفےٰ چیمہ بھائی اور چچا کو حراست میں لے کر قتل کا مقدمہ درج کر لیا تھا۔

مزید پڑھیں : پاکستانی نژاد اطالوی لڑکی ثنا چیمہ کو گلا دبا کر قتل کیا گیا، فرانزک رپورٹ میں انکشاف

جس کے بعد عدالت کے حکم پر ثناء چیمہ کی قبر کشائی کی گئی تاکہ اس بات کی تصدیق کی جا سکے کہ کیا ثناء چیمہ کو قتل کیا گیا تھا یا اس کی موت اتفاقیہ ہوئی تھی، جس کے بعد فرانزک رپورٹ میں انکشاف کیا گیا کہ اطالوی نژاد ثناء چیمہ کو گلہ دبا کر قتل کیا گیا، اس کی گردن کی ہڈی ٹوٹی ہوئی تھی۔

خیال رہے کہ ثناء چیمہ نے انیس اپریل کو کامران نامی پاکستانی نژاد سے شادی کرنے کے لئے اٹلی جانا تھا اور اٹلی روانگی سے ایک روز قبل ہی اسے قتل کر دیا گیا تھا۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں