تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عالمگیرخان کو بڑا ریلیف مل گیا

کراچی: شہر قائد کی مقامی عدالت نے تحریک انصاف کے مستعفی ایم این اے عالمگیر خان کے خلاف اشتعال انگیز چاکنگ کیس کا فیصلہ سنادیا۔

تفصیلات کے مطابق کراچی کی سیشن کورٹ نے ریاست اور ریاستی اداروں کے خلاف اشتعال انگیزی سے متعلق کیس میں پی ٹی آئی کے مستعفی ایم این اے عالمگیرخان کے خلاف مقدمہ خارج کردیا ہے۔

عدالت نے مختصر حکم نامے میں کہا کہ پولیس نے چالان میں غداری اور بغاوت کی دفعات شامل کی، غداری اور بغاوت کی دفعات وفاقی حکومت، محکمہ داخلہ اور صوبائی حکومت کی سفارش کے بغیر نہیں لگائی جا سکتی،پولیس کو ازخود ان دفعات کے تحت کارروائی کا اختیار نہیں۔

یہ بھی پڑھیں: پاکستان تحریک انصاف کے رہنما عالمگیر خان کیخلاف مقدمہ درج

یاد رہے کہ رواں سال مئی میں حساس اداروں اور اعلیٰ عدلیہ کی کردار کشی کرنے پر پاکستان تحریک انصاف کے رہنما عالمگیر خان کیخلاف مقدمہ درج کیا گیا تھا۔

مقدمہ سرکاری مدعیت میں گلشن اقبال تھانے میں درج کیا گیا تھا، پولیس کے مطابق عالمگیر خان ودیگر نے گلشن اقبال میں ریاست اور ریاستی اداروں کے خلاف اشتعال انگیز چاکنگ کی تھی۔

Comments

- Advertisement -