The news is by your side.

Advertisement

منشیات کیس میں ریا چکروتی کو بڑا ریلیف مل گیا

ممبئی: عدالت نے بالی ووڈ اداکارہ ریا چکروتی کو بیرون ملک سفر کی اجازت دیتے ہوئے اِنہیں پاسپورٹ واپس کردیا ہے۔

بھارتی میڈیا کے مطابق ریا چکروتی نے عدالت سے بین الاقوامی تقریب میں شرکت کے لیے بیرون ملک جانے کی اجازت دینے کی درخواست کی تھی، منشیات کیسز کی خصوصی عدالت نے ریا چکروردی کی استدعا منظور کرتے ہوئے انہیں صرف چار روز کے لیے ابو ظہبی جانے کی اجازت دے دی ہے۔

عدالت نے اداکارہ کو ایک لاکھ روپے زر ضمانت جمع کروانے کا حکم دیا ہے اور انہیں دورہ کے دوران روزانہ بھارتی سفارتخانے جاکر حاضری لگوانے کی بھی ہدایت کی ہے۔

یہ بھی پڑھیں: سشانت راجپوت کیس : ریا چکرورتی سمیت کئی ملزمان کے گرد گھیرا تنگ

خیال رہے کہ ریا چکروردی کو گزشتہ برس ستمبر میں بھارتی انسداد منشیات کے ادارے نارکوٹکس کنٹرول بیورو نے گرفتار کیا تھا، تاہم بعد ازاں انہیں ہائی کورٹ سے ضمانت پر رہائی مل گئی تھی۔

اداکارہ پر الزام ہے کہ انہوں نے اپنے سابق بوائے فرینڈ سُشانت سنگھ راجپوت کے لیے منشیات خریدی تھیں۔

Comments

یہ بھی پڑھیں