The news is by your side.

Advertisement

اغوا، زیادتی اور زبان کاٹنے کے مجرم کو عدالت نے سزا سنا دی

لاہور: لڑکی کو اغوا کرنے، زیادتی کرنے اور زبان کاٹنے والے سفاک مجرم کو عدالت نے سزا سنا دی۔

تفصیلات کے مطابق آج بدھ کو لاہور میں سیشن کورٹ کی خصوصی صنفی عدالت نے لڑکی کے ساتھ زیادتی، اغوا اور زبان کاٹنے کے مقدمے میں ملوث مجرم فدا حسین کو مجموعی طور پر 23 سال قید اور 6 لاکھ روپے جرمانے کی سزا سنا دی۔

ایڈیشنل سیشن جج جمشید مبارک نے اس مقدمے کا فیصلہ سنایا، فیصلے کے بعد پولیس نے مجرم فدا حسین کو کمرہ عدالت سے گرفتار کر لیا۔

فدا حسین کے خلاف 2019 میں تھانہ نولکھا میں اغوا، زیادتی اور زبان کاٹنے سمیت دیگر دفعات کے تحت مقدمہ درج کیا گیا تھا، عدالت نے زیادتی کی دفعہ کے تحت 16 سال قید اور 3 لاکھ روپے جرمانے کی سزا سنائی۔

عدالت نے اغوا کی دفعہ کے تحت 5 سال قید اور 1 لاکھ روپے جرمانے، اور زبان کاٹنے پر 2 سال قید 1 لاکھ روپے جرمانے کی سزا سنائی۔

عدالت نے مجرم کا ڈی این اے میچ ہونے اور دیگر شواہد سے جرم ثابت ہونے پر فدا حسین کو سزا سنائی، کیس میں سرکاری وکیل تبسم صوفی نے مجرم کے خلاف 11 گواہان کے بیانات قلم بند کراٸے۔

Comments

یہ بھی پڑھیں