site
stats
اہم ترین

عدالتی فیصلہ کسی ایک جماعت کے خلاف نہیں، رینجرز وکیل

کراچی : رینجرز کے وکیل مشتاق احمد بھٹی نے کہا ہے کہ عدالتی فیصلہ کسی ایک جماعت کے خلاف نہیں بلکہ دہشت گردوں کے سہولت کاروں کے خلاف ہے۔

تفصیلات کے مطابق انسداد دہشت گردی کی عدالت کے باہر میڈیا سے گفتگو کرتے ہوئے مشتاق احمد بھٹی نے کہا کہ ’’ملزمان عدالتوں میں خاموش کھڑے رہتے ہیں اور باہر آکر اُسی فیصلے پر تنقید کرتے ہیں ، عدالتی فیصلے پر تنقید یا تجزئیے ییش کرنا توہین عدالت کے زمرے میں آتا ہے۔

انہوں نے مزید کہا کہ کل عدالت کی جانب سے ہونے والے فیصلے پر یہ تاثر دینے کی کوشش کی گئی کہ فیصلے کہیں اور سے لکھ کر بھیجے جارہے ہیں مگر لوگ یہ تاثر دینے میں ناکام رہے کیونکہ عدالت نے کبھی کوئی فیصلہ دباؤ کے تحت نہیں کیا گیا‘‘۔

مزید پڑھیں :     وسیم اختر،انیس قائم خانی، اورروف صدیقی کو سینٹرل جیل منتقل کردیا گیا

مشتاق احمد بھٹی نے مزید کہا کہ ’’عدالتی فیصلہ دہشت گردوں کے سہولت کاروں کے خلاف ہے یہ کسی جماعت کے خلاف نہیں، سپریم کورٹ ملزمان کی جانب سے گئی تنقید کا نوٹس لے اور ایسے عناصر کے خلاف توہین عدالت کا کیس چلائے ‘‘۔

یہ بھی پڑھیں : ڈاکٹر عاصم کیس، گرفتار ملزمان کے وکلا کی جانب سے درخواست ضمانت دائر

وکیل رینجرز نے کہا کہا ایک سیاسی جماعت کی جانب سے اداروں اور تاجروں پر تنقید کی جارہی ہے، تاجروں کو دھمکیاں دی جاتی ہیں ، جس پر کارروائی کرنا بہت ضروری ہے، ملزمان کے وکلاء کو یہ بات سوچنی چاہیے کہ عدالت ثبوتوں اور شواہد کو مدنظر رکھتے ہوئے کسی بھی کیس کا فیصلہ سناتی ہے‘‘۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top