The news is by your side.

Advertisement

عدالت نے بچے ماں کی موجودگی میں دادا کے حوالے کردئیے

لاہور: ہائیکورٹ میں پانچ بچوں کی حوالگی کیس کی سماعت ہوئی جہاں عدالت نے بچے دادا کے حوالے کردئیے۔

تفصیلات کے مطابق آج بروز جمعہ لاہور ہائیکورٹ میں بچوں کی حوالگی کیس کی سماعت جسٹس سردار احمد نعیم نے کی۔

سیالکوٹ کی رہائشی رضوانہ بی بی نے اپنے سسرالی رشتے داروں کے خلاف زبردستی بچے رکھنے کے خلاف درخواست دائر کی تھی۔

کیس کی سماعت میں بچوں کے دادا کا مؤقف تھا کہ رضوانہ نے اپنی مرضی سے گھر چھوڑا اور بچوں کی پرورش بھی صحیح طریقے سے نہیں کرسکتی جس پر عدالت نے بچے دادا کے حوالے کردیئے۔

واضح رہے کہ رضوانہ بی بی کا خاوند لیاقت روزگار کی غرض سےبیرون ملک مقیم ہے۔

بچوں کی جدائی نے ماں کو نڈھال کردیا اور وہ عدالت کے احاطے میں رو رو کرفریاد کرتی رہی جبکہ بچے بھی دادا کے ساتھ جانے پر راضی دکھائی نہیں دے رہے تھے۔

Comments

comments

یہ بھی پڑھیں