کراچی: مبینہ ٹاؤن سے گرفتار 4 دہشت گردوں کو عدالت نے 10 ستمبرتک کے لئے ریمانڈ پرپولیس کے حوالے کردیا۔
پولیس کے مطابق گرفتارشدہ دہشت گردوں کا تعلق متحدہ قومی موومنٹ سے ہے اورکہا جارہا ہے کہ چاروں ملزمان را سےتربیت یافتہ ہیں۔
تفصیلات کے مطابق محسن، خالد، شفیق عرف پپو اورعبدالجبارعرف ٹینشن کو مبینہ ٹاوٗن کے علاقے سے گرفتارکیا گیا تھا۔
پولیس کا موقف ہے کہ ملزمان بھارتی ایجنسی را سے تربیت یافتہ ہیں اور ان کے تانے بانے ملیشیا اور جنوبی افریقہ سے ملتے ہیں۔ پولیس کا مزید کہنا ہے کہ ملزمان جاوید لنگڑا اور اجمل پہاڑی سے بھی رابطے میں تھے۔
پولیس نے ملزمان پرمہاجرقومی موومنٹ کے سربراہ آفاق احمد پرقاتلانہ حملے سمیت متعدد ٹارگٹ کلنگ کی وارداتوں میں ملوث ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں