The news is by your side.

Advertisement

جن کے پاس بیماری بیچنےکےسوا کچھ نہیں وہ سیاست کررہے ہیں، فردوس عاشق اعوان

اسلام آباد: وزیراعظم کی معاون خصوصی برائے اطلاعات فردوس عاشق اعوان نے کہا ہے کہ جن کے پاس بیماری بیچنےکےسوا کچھ نہیں وہ سیاست کررہے ہیں ہم سیاسی طریقےسےٹکرائیں گے مگر بیماری پرسیاست نہیں کریں گے۔

اسلام آباد میں تقریب سے خطاب کرتے ہوئے معاون خصوصی برائے اطلاعات فردوس عاشق اعوان نے کہا کہ نوازشریف کی عدالتوں میں درخواستیں آئیں ہیں اس پر فیصلہ عدالت نے کرنا ہے کیونکہ فیصلے میڈیااورترجمانوں کی خواہشات کےمطابق نہیں ہوتے۔

فردوس عاشق اعوان نے کہا کہ آپ نے سوچنا ہےنوازشریف کی صحت پر کون سیاست کررہا ہے جن کے پاس بیماری بیچنےکےسوا کچھ نہیں وہ سیاست کررہے ہیں، ہم نوازشریف کی صحت کےلیےدعاگوہیں، ہم سیاسی لوگ ہیں مگر بیماری کامعاملہ سیاست سےالگ ہے۔

انہوں نے کہا کہ (ن) لیگ سیاسی پنجہ آزمائی کرے مگر بیماری کی آڑ لے کر نہیں، ہم سیاسی طریقےسےٹکرائیں گے لیکن بیماری کےمعاملےپرسیاست نہیں کریں گے۔

معاون خصوصی نے کہا کہ ہم چاہتے ہیں انسانیت کی قدر ہو شخصیات کی نہیں، وزیراعظم کا پہلے دن سے عدلیہ اور اداروں کو بااختیار بنانے کا عزم رہا ہے، وزیراعظم نے ملکی قوانین کے مطابق عمل کیا اورکریں گے۔

ان کا مزید کہنا تھا کہ ملک کی بہتری کیلئےخواتین کوباختیار بنانا ناگزیر ہے اور وزیراعظم عوامی مفاد کے راستے میں رکاوٹیں دور کررہےہیں۔

fb-share-icon0
Tweet 20

Comments

comments

یہ بھی پڑھیں