The news is by your side.

منی لانڈرنگ کیس: شہباز شریف اور حمزہ شہباز پر فرد جرم عائد نہ ہوسکی

لاہور: اسپیشل سنٹرل کورٹ میں منی لانڈرنگ کیس  میں وزیراعظم شہباز شریف کے پیش نہ ہونے کے باعث شہباز شریف اور حمزہ شہباز پر فرد جرم عائد نہ ہوسکی۔

تفصیلات کے مطابق اسپیشل سینٹرل عدالت میں وزیراعظم شہبازشریف اورحمزہ شہبازسمیت دیگرکے خلاف منی لانڈرنگ کے مقدمے کی سماعت ہوئی۔

وزیر اعظم شہباز شریف پیش نہ ہوئے ، دوران سماعت ایف آئی اےنےسلیمان شہبازکی کمپنی کاریکارڈعدالت میں پیش کیا۔

وکیل شہبازشریف نے بتایا کہ شہبازشریف مصرفیات کےباعث پیش نہیں ہوسکتے،ملک میں سیلاب نےکافی تباہی کی ہے، شہبازشریف سیلاب متاثرین کےعلاقوں کےدورےکررہےہیں۔

وکیل نے استدعا کی شہبازشریف آج کی حاضری معافی منظور کی جائے، عدالت نے شہباز شریف کی حاضری سے استثنی کی درخواست منظور کرلی۔

وکیل امجدپرویز کا کہنا تھا کہ عدالت کے حکم پر کمپنیزکے اکاؤنٹ بھی فریزکردیےگئےہیں، عدالت کمپنیزکےاکاؤنٹس ڈی فریزکرنےکاحکم دے، جس پر ایف آئی اے نے کہا کمپنیز کے اکاؤنٹ ڈی فریز کرنے پر کوئی اعتراض نہیں۔

عدالت نےآئندہ سماعت پرشہبازشریف اورحمزہ شہباز کی بریت کی درخواست پردلائل طلب کرلیے اور کیس کی سماعت17ستمبرتک ملتوی کردی۔

Comments

یہ بھی پڑھیں