The news is by your side.

Advertisement

طالبعلم بدفعلی کیس : ملزم مفتی عزیر الرحمان اور اس کے 5 بیٹوں پر فردِ جرم عائد

لاہور : مقامی عدالت نے مدرسے کے طالب علم سے بدفعلی کے ملزم مفتی عزیر الرحمان اور اس کے پانچ بیٹوں پر فرد جرم عائد کر دی تاہم ملزمان نے صحت انکار کر دیا۔

تفصیلات کے مطابق جوڈیشل مجسٹریٹ رانا راشد نے طالب علم سے بدفعلی کیس پر سماعت کی، پولیس نے ملزم مفتی عزیز الرحمان کو عدالت کے روبرو پیش کیا۔

دوران سماعت عدالت نے مفتی عزیز الرحمان سمیت اس کے پانچ بیٹوں الطاف الرحمان ،عتیق الرحمان ٫ عطا الرحمان ٫ وسیع الرحمان ٫ اور لطیف الرحمان پر فرد جرم عائد کر دی تاہم ملزمان نے صحت انکار کر دیا۔

جس پر عدالت نے آئندہ سماعت پر مقدمہ کے گواہان کو طلب کر لیا، پولیس چالان میں بتایا گیا ہے کہ مفتی عزیز الرحمان کیخلاف مدرسہ طالب علم سے بد فعلی کا مقدمہ تھانہ شمالی چھاؤنی میں درج ہے۔

پولیس کا کہنا تھا کہ ملزم نے امتحان پاس کروانے کا لالچ دیکر طالب علم کے ساتھ متعدد بار بدفعلی کی،ویڈیو فرانزاک رپورٹ کے مطابق ملزم کا طالب علم سے بدفعلی کرنا ثابت ہوتا ہے ، ویڈیو حقائق پر مبنی ہے ملزم کو تفتیش میں گناہ گار قرار دیا گیا ہے ۔

یاد رہے مفتی عزیز الرحمن کی نازیبا ویڈیو لیک ہونے پر پولیس نے بدفعلی کا شکار ہونے والے نوجوان صابر شاہ کی درخواست پر مقدمہ درج کیا تھا، طالبعلم صابر شاہ کی مدعیت میں درج کئے گئے مقدمات میں 337 اور 506 کی دفعات شامل کی گئیں۔

مقدمے میں یہ الزام لگایا گیا تھا کہ مفتی عزیز الرحمن نے اسے امتحانات میں فیل کرکے بلیک میل کیا ، امتحانات میں پاس کروانے کا لالچ دیکر مبینہ طور پر کئی ماہ تک بد فعلی کی، شکایات کرنے پر اس کی کوئی شنوائی نہ ہوئی۔

ویڈیو وائرل ہونے پر پولیس نے مفتی عزیزالرحمن ، انکے تین بیٹے اور تین نامعلوم افراد کے خلاف مقدمہ درج کیا ، جس کے بعد پولیس نے مفتی عزیز الرحمن اور ان کے ایک بیٹے کو گرفتار کرلیا تھا۔

Comments

یہ بھی پڑھیں