کرنسی اسمگلنگ کیس ، ماڈل ایان علی کے ناقابل ضمانت گرفتاری وارنٹ جاری
The news is by your side.

Advertisement

کرنسی اسمگلنگ کیس ، ماڈل ایان علی کے ناقابل ضمانت گرفتاری وارنٹ جاری

راولپنڈی : کرنسی اسمگلنگ کیس میں عدالت نےماڈل ایان علی کے ناقابل ضمانت گرفتاری وارنٹ جاری کردیے، عدالت نے کہا کہ پرانے میڈیکل سرٹیفکیٹ پراتنااستثنیٰ نہیں دیاجا سکتا۔

تفصیلات کے مطابق راولپنڈی کی کسٹمزعدالت میں کرنسی اسمگلنگ کیس کی سماعت جج ارشد حسین بھٹہ کی سربراہی میں ہوئی ، ایان علی کی مسلسل عدم حاضری پر نے شدید برہمی کا اظہار کیا۔

ایان علی کے وکیل نے عدالت کی برہمی کا جواب دیتے ہوئے کہا کہ ان کی موکل بیمار ہیں ان کو عدالت میں حاضری سے استثنیٰ دیا جائے۔

عدالت نے کہا میڈیکل سرٹیفکیٹ پیش نہیں کیا گیا، ملزمہ کو پیش کیا جائے، پرانے میڈیکل سرٹیفکیٹ پر اتنا عرصہ استثنیٰ نہیں دیا جا سکتا۔

محکمہ کسٹمز کے وکیل نے کہا یہ لوگ بہانے بناتے اور عدالت کا وقت ضائع کرتے ہیں، اتناعرصہ گزر گیا ملزمہ کوجان بوجھ کرپیش نہیں کیا جا رہا، ایان علی کےپہلےبھی دو باروارنٹ جاری ہو چکے ہیں۔

محکمہ کسٹمز نے استدعا کی کہ ملزمہ کے خلاف ناقابل ضمانت وارنٹ گرفتاری جاری کیے جائیں۔

جس کے بعد عدالت نے کرنسی اسمگلنگ کیس میں ماڈل ایان علی کے ناقابل ضمانت گرفتاری وارنٹ جاری کردیے اور سماعت بائیس اکتوبر تک ملتوی کردی۔

واضح رہے کہ ماڈل ایان علی 2015 میں اسلام آباد ائیرپورٹ سے دبئی پانچ لاکھ ڈالرز غیر قانونی طورپر لے جاتے ہوئے پکڑی گئیں تھیں، جس کے بعد انہیں تین ماہ جیل کی ہوا کھانی پڑی تھی جبکہ ایان علی کا نام ای سی ایل میں ڈال دیا گیا تھا۔

Comments

comments

یہ بھی پڑھیں