The news is by your side.

Advertisement

کراچی: مقامی عدالت نے دو رینجرز افسران کے وارنٹ جاری کردیئے

کراچی: شہری کی جائیداد زبردستی منتقل کرنے کے کیس کی سماعت کے دوران مقامی عدالت نے رینجرز کے دو افسران کے ناقابل ضمانت وارنٹ گرفتاری جاری کر دئیے۔

تفصیلات کے مطابق سیف اللہ نامی شہری کی جانب سے عدالت میں درخواست دائر کی گئی تھی، جس میں مؤقف اختیار کیا گیا تھا کہ اپریل 2015 میں اُن کے بھائی عامر اللہ کو ذیشان نامی شخص نے رینجرز افسران کے ہاتھوں اغواء کرکے شاہ لطیف کے علاقے میں ذاتی جائیداد زبردستی اپنے نام منتقل کروائی۔

تفتیشی افسر نے دورانِ سماعت عدالت میں بیان دیا کہ مقدمے میں نامزد ملزمان کو نوٹس بھیج کر آگاہ کردیا گیا ہے مگر ملزمان پیش نہیں ہورہے۔

تفتیشی افسر کے بیان کے بعدعدالت کی جانب سے رینجرز کے دونوں افسران میجر احسان اور ڈی ایس آر ظہور کے ناقابل ضمانت وارنٹِ گرفتاری جاری کرتے ہوئے آئندہ سماعت پر ملزمان گرفتار کر کےعدالت میں پیش کرنے کا حکم دے دیا ہے۔

 

Comments

comments

یہ بھی پڑھیں