The news is by your side.

لیاقت آباد میں 8 منزلہ غیر قانونی عمارت کی تعمیر پر عدالت برہم ، افسران کیخلاف کارروائی کا حکم

کراچی : سندھ ہائی کورٹ نے لیاقت آباد میں 8 منزلہ غیرقانونی عمارت کی تعمیر کی منظوری دینے والے تمام افسران کے خلاف کارروائی کا حکم دے دیا۔

تفصیلات کے مطابق سندھ ہائی کورٹ میں ٖغیر قانونی تعمیرات کے حوالے سے سماعت ہوئی ، عدالت نے لیاقت آبادمیں 8 منزلہ غیرقانونی عمارت کی تعمیر پر برہمی کا اظہار کیا۔

عدالت نے کہا کہ ایس بی سی اےکوتوایوارڈملناچاہئےان کی موجودگی میں غیرقانونی عمارتیں بن جاتی ہیں۔

جسٹس حسن اظہررضوی نے استفسار کیا 8 منزلہ عمارت راتوں رات تونہیں بن گئی؟ تعمیرات کےوقت جوافسران تعینات تھے سب کے خلاف قانونی کارروائی کی جائے۔

عدالت کا کہنا تھا کہ ایس بی سی اےنےاپنی رپورٹ غیرقانونی تعمیرات کوتسلیم کیا، 8 منزلہ عمارت کسی منظوری کے بغیر تعمیر کردی گئی۔

عدالت نے منظوری دینے والے تمام افسران کے خلاف کارروائی کا حکم دیتے ہوئے ڈی جی ایس بی سی اے کو 45دن میں کارروائی کرکے رپورٹ پیش کرنے کی ہدایت کردی۔

Comments

یہ بھی پڑھیں