ڈاکٹر عاصم کا نام ای سی ایل میں شامل کرنے کا حکم جاری -
The news is by your side.

Advertisement

ڈاکٹر عاصم کا نام ای سی ایل میں شامل کرنے کا حکم جاری

کراچی : پیپلز پارٹی کراچی کے اسیر صدر ڈاکٹر عاصم کی درخواست ضمانت پر سندھ ہائیکورٹ کا تحریری فیصلہ جاری کر دیا گیا اور عدالت نے ڈاکٹر عاصم کا نام ای سی ایل میں شامل کرنے کا حکم جاری کر دیا ہے۔

تفصیلات کے مطابق ڈاکٹر عاصم کیخلاف 479 ارب روپے کرپشن کے دو ریفرنسز میں درخواست ضمانت پر سندھ ہائیکورٹ میں سماعت ہوئی، بینچ میں جسٹس فاروق شاہ اور جسٹس کے کے آغا شامل تھے۔

عدالت نے ڈاکٹر عاصم کااصلی پاسپورٹ عدالت میں جمع کرانے کا حکم دیتے ہوئے وزارت داخلہ کو ہدایت جاری کی ہیں کہ ڈاکٹر عاصم کو نیا یا ڈپلیکیٹ پاسپورٹ بھی جاری نہ کیا جائے۔

اس سے قبل سندھ ہائیکورٹ کے دونوں ججوں کی رائے میں اختلاف سامنے آگیا تھا، کراچی بینچ کے سربراہ جسٹس فاروق شاہ نے ضمانت کی درخواست مسترد کی جس پرریفری جج مقرر کرنے کیلئے معاملہ چیف جسٹس کوبھیج دیا گیا، دو رکنی بینچ میںجسٹس فاروق شاہ اور جسٹس کے کے آغا شامل تھے۔

جسٹس فاروق شاہ نے فیصلہ سنایا کہ ڈاکٹر عاصم کو مطلوبہ علاج کی سہولت مل رہی ہیں، فی الحال انہیں ضمانت نہیں دی جاسکتی جبکہ جسٹس کے کے آغا نے 25 ،25لاکھ روپے کے مچلکوں کے عوض ضمانت منظور کی۔

Comments

comments

یہ بھی پڑھیں